Orientalstudies.az

Aprelin 2-də AMEA akad. Z.M.Bünyadov adına Şərqşünaslıq İnstitutunun təşkilatçılığı ilə “31 mart 1918-ci il azərbaycanlıların soyqırımı – 100” mövzusunda beynəlxalq elmi konfrans keçiriləcək.

Konfransa Azərbaycan elmi ictimaiyyətinin nümayəndələri ilə yanaşı, Türkiyə, İran, ABŞ, Rusiya, Almaniya və İrlandiyadan  alimlər də qatılacaq.

Martın 30-da AMEA akademik Ziya Bünyadov adına Şərqşünaslıq İnstitutunun gənc alimlərinin Türkiyənin Mərmərə Universitetinin məzunu, azərbaycanlı jurnalist, yazar və kolleksiyaçı Dilqəm Əhmədlə görüşü keçirildi.  Şərqşünaslıq İnstitutunun Gənc Alim və Mütəxəssislər Şurasının təşkil etdiyi görüşün mövzusu Azərbaycan Xalq Cümhuriyyəti ilə bağlı idi.

Tədbir iştirakçıları ilk öncə 2012-ci ildən etibarən Azərbaycan Xalq Cümhuriyyətinin tarixi irsinə aid materialların, sənədlərin, əlyazmalarının toplanması ilə məşğul olan Dilqəm Əhmədin təqdim etdiyi materialların sərgisi ilə tanış oldular.

AMEA akad. Z.M.Bünyadov adına Şərqşünaslıq İnstitutunda Azərbaycan xalqına qarşı ötən əsrin əvvəllərində həyata keçirilən soyqırım ilə bağlı yeni faktların üzə çıxarılması istiqamətində əhəmiyyətli işlər görülür. İnstitutun əməkdaşlarının bu sahədə apardıqları tədqiqatların, hazırladıqları və ya tərcümə etdikləri kitabların Arazın hər iki tayında ermənilərin azərbaycanlılara qarşı törətdikləri kütləvi qırğınların, qarətlərin, deportasiya aktlarının əsl mahiyyətinin dünya ictimaiyyətinə çatdırılmasında mühüm rolu var. Bütün bunları toplum şəklində ictimaiyyətə çatdırmaq məqsədilə Azərbaycan Respublikasının Prezidenti cənab İlham Əliyevin “1918-ci il azərbaycanlıların soyqırımının 100 illiyi haqqında” 2018-ci il 18 yanvar tarixli 3587 nömrəli Sərəncamı ilə əlaqədar martın 28-də Şərqşünaslıq İnstitutunda son illərdə soyqırımla bağlı nəşr edilmiş kitabların təqdimatı keçirildi. Tədbirdə Azərbaycan elmi ictimaiyyətinin nümayəndələri ilə yanaşı, Türkiyə, Fransa, İran və Rusiyadan  alimlər iştirak edirdi.

Azərbaycan Respublikasının Prezidenti cənab İlham Əliyevin “1918-ci il azərbaycanlıların soyqırımının 100 illiyi haqqında” 2018-ci il 18 yanvar tarixli 3587 nömrəli Sərəncamı ilə əlaqədar martın 28-də AMEA akad. Z.M.Bünyadov adına Şərqşünaslıq İnstitutunda son illərdə soyqırımla bağlı nəşr edilmiş kitabların təqdimatı keçiriləcək.