Orientalstudies.az

Hörmətli Mehriban xanım!

Yeni təyinatınız münasibətilə Sizi ürəkdən təbrik edir, mühüm dövləti vəzifənin icrasında möhkəm cansağlığı, tükənməz enerji və yeni-yeni uğurlar arzulayırıq. İnanırıq ki, Azərbaycanın hərtərəfli inkişafına, ərazi bütövlüyümüzün bərpasına və ümdə mənafelərimizin qorunmasına yönəlmiş çoxşaxəli fəaliyyətinizin ana xəttini həmişəki kimi yüksək insanpərvərlik, humanizm, mərhəmət, vətənə, xalqa sonsuz məhəbbət, milli-mənəvi və mədəni dəyərlərimizə dərin ehtiram təşkil edəcək.

AMEA akad. Z.M.Bünyadov adına Şərqşünaslıq İnstitutunun böyük elmi işçisi, filologiya üzrə fəlsəfə doktoru Mahir Həmidovun “Mixail Nuaymənin poetikası və şeirləri” adlı kitabı Türkiyədə işıq üzü görüb. Ankarada professor Rahmi Ərin ön sözü ilə nəşr olunan monoqrafiyanın Azərbaycan, Türkiyə və türkdilli elmi dairədə vacib bir problemə həsr olunmuş kitab kimi yayılacağı şübhə doğurmur.

Fevralın 24-də AMEA Şərqşünaslıq İnstitutunun kollektivi Fəxri Xiyabanda 20 il öncə - 1997-ci il fevralın 21-də amansızcasına qətlə yetirilmiş görkəmli şərqşünas alim, vaxtilə AMEA-nın vitse-prezidenti, AMEA Şərqşünaslıq İnstitutunun direktoru vəzifələrində çalışmış akademik, Sovet İttifaqı Qəhrəmanı Ziya Bünyadovun xatirəsini anıb, məzarı üzərinə əklillər qoyub, gül dəstələri düzüb.

Fevralın 22-də AMEA akademik Ziya Bünyadov adına Şərqşünaslıq İnstitutunda Xocalı faciəsinin qurbanları yad edildi.

Tədbirdə çıxış edən Şərqşünaslıq İnstitutunun direktoru, millət vəkili, AMEA-nın müxbir üzvü Gövhər Baxşəliyeva fevralın 26-sının Azərbaycan xalqı üçün çox ağrılı bir gün olduğunu qeyd etdi. Xocalı faciəsinin ağır nəticələri barədə danışan G.Baxşəliyeva, xalqımızın bu günü böyük hüzn və kədərlə qeyd etdiyini söylədi.