Deutschland online bookmaker http://artbetting.de/bet365/ 100% Bonus.
AMEA akad. Z.M.Bünyadov adına Şərqşünaslıq İnstitutunda ərəb dilində “Ermənistan-Azərbaycan, Dağlıq Qarabağ münaqişəsi” kitabı nəşr olunub.
Daha öncə Azərbaycan və rus dillərində Milli Məclis tərəfindən çap olunmuş “Ermənistan-Azərbaycan, Dağlıq Qarabağ münaqişəsi” kitabını ərəb dilinə Şərqşünaslıq İnstitutunun böyük elmi işçisi Hikmət Əkbərov tərcümə edib. Kitabın elmi redaktoru Şərqşünaslıq İnstitutunun direktoru, millət vəkili, akademik Gövhər Baxşəliyevadır.
AMEA akad. Z.M.Bünyadov adına Şərqşünaslıq İnstitutunda “İngilis şərqşünası Maykl Aksvörtinin “Nadir şah” kitabının Azərbaycan dilinə tərcüməsi və tarixşünaslıq elminin vəzifələri” kitabı işıq üzü görüb. Burada Azərbaycan Respublikası Prezidenti Administrasiyasının rəhbəri, akademik Ramiz Mehdiyevin ideya müəllifliyi, elmi redaktorluğu və geniş ön sözü ilə nəşr edilmiş “Nadir şah" kitabının 2018-ci il iyunun 22-də Şərqşünaslıq İnstitutu tərəfindən keçirilmiş təqdimat mərasimində edilmiş məruzə və çıxışlardan ibarət məqalələr toplanıb.
AMEA akademik Z.M.Bünyadov adına Şərqşünaslıq İnstitutun elmi-kütləvi nəşri olan “Azərbaycan şərqşünaslığı” jurnalının növbəti sayı işıq üzü görüb.
Jurnalda ilk olaraq Şərqşünaslıq İnstitutunun əməkdaşlarına fəxri adlar, orden və medallar verilməsinə dair Azərbaycan Respublikası Prezidenti cənab İlham Əliyevin Sərəncamları dərc olunub. Sonra akademik Gövhər Baxşəliyevanın bu yaxınlarda 60 illik yubileyini qeyd etmiş Şərqşünaslıq İnstitutunun keçdiyi şərəfli yoldan bəhs edən “60 ilin elm ocağı” adlı məqaləsi təqdim edilib.
Dekabrın 19-da AMEA Rəyasət Heyəti aparatının Mətbuat və informasiya idarəsinin təşkilatçılığı və AMEA Azad Həmkarlar İttifaqının dəstəyi ilə “Elmin populyarlaşdırılmasında KİV-in rolu” mövzusunda “dəyirmi masa” keçirilib.
AMEA-nın Mərkəzi Elmi Kitabxanasında təşkil edilən tədbirdə Azərbaycan Mətbuat Şurasının sədri Əflatun Amaşov, ölkənin aparıcı qəzetlərinin baş redaktorları, xəbər saytlarının rəsmiləri, Bakı Dövlət Universitetinin Jurnalistika fakültəsinin dekanı, fil.e.d. Vüqar Zivəroğlu, AMEA institutlarının ictimaiyyətlə əlaqələr şöbələrinin müdirləri və KİV nümayəndələri iştirak ediblər.