Orientalstudies.az

2020-ci ilin 1 sentyabr tarixində Şərq xalqlarının I Bakı qurultayının keçirilməsindən 100 il ötür. 1920-ci il 1-7 sentyabr tarixlərində Bakıda Yaxın və Orta Şərqdə imperializmdən qurtuluş mübarizəsi aparan müsəlman xalqlarının  I qurultayı keçirilmişdir. Qurultay Şərq xalqlarının milli-azadlıq hərəkatının yüksəlişi istiqamətində atılmış mühüm addım idi. İdeya və təşkilatçılığın dövrün Azərbaycan ictimai-siyasi elitası tərəfindən irəli sürülməsi respublikamızın bu prosesdə oynadığı əhəmiyyətli rolun göstəricisi idi. Yubileylə əlaqədar olaraq, AMEA İctimai və Humanitar Elmlər Bölmələrinin və akad.Z.Bünyadov adına Şərqşünaslıq İnstitutunun təşkilatçılığı ilə “Şərq xalqlarının I qurultayı - Bakı,1920. Şərq dünyası 100 il əvvəl və bu gün” adlı Elmi Konfrans keçiriləcək.

AMEA Azad Həmkarlar İttifaqı və akademik Ziya Bünyadov adına Şərqşünaslıq İnstitutunun Həmkarlar təşkilatı tərəfindən hazırkı pandemiya vəziyyəti ilə əlaqədar ehtiyacı olan əməkdaşlara yardım göstərilib.

İnstitutun Həmkarlar təşkilatının sədri, t.ü.f.d., dosent, Sübhan Talıblının təşkilatçılığı ilə həyata keçirilən tədbirdə 35 əməkdaşa yardım edilib. Yardım zəruri ərzaq məhsullarını əhatə edib. S.Talıblı bildirib ki, növbəti ayda da bu cür tədbirin həyata keçirilməsi planlaşdırılır.

2020-ci ilin aprel ayında Azərbaycanın görkəmli maarifçisi, dövlət və ictimai xadimi Nəriman Nərimanovun  anadan olmasının 150 illiyi tamam olub. N.Nərimanov öz ictimai-siyasi və maarifçilik fəaliyyətilə XX əsr Azərbaycan tarixində əhəmiyyətli iz qoymuşdur. Azərbaycan Respublikasının Prezidenti cənab İlham Əliyevin N.Nərimanovun 150 illik yubileyi ilə əlaqədar Sərəncamına uyğun olaraq, AMEA akad. Z.Bünyadov adına Şərqşünaslıq İnstitutunda “Nəriman Nərimanov – böyük maarifçi və ictimai-siyasi xadim” adlı Respublika elmi konfransı keçiriləcəkdir. AMEA akad.Z.Bünyadov adına Şərqşünaslıq İnstitutu konfransda iştirak üçün tezislərin qəbulunu elan edir.

Mayın 15-də AMEA akademik Ziya Bünyadov adına Şərqşünaslıq İnstitutununda  görülən işləri müzakirə etmək və qarşıda duran vəzifələri müəyyənləşdirmək məqsədilə iclas keçirilib.

İnstitutun direktoru akademik Gövhər Baxşəliyevanın rəhbərliyi ilə keçirilən iclasda bildirilib ki, koronavirus pandemiyası ilə mübarizə məqsədilə sosial izolyasiya dövründə institutun əməkdaşları ev şəraitində nəzərdə tutulan plan işləri üzrə tədqiqatlarını davam etdirirlər, arşadırmalarının nəticələrini nüfuzlu elmi jurnallarda dərc etdirmək üçün məqalələr hazırlayırlar.

İnstitutun Nəşriyyat və elmi informasiya təminatı şöbəsində çapa təqdim olunan kitabların redaktəsi üzərində işin davam etdirildiyi,  f.ü.f.d Əmmar Abbasovun “Erkən islam tarixi məsələləri” (VI-VII əsrlər. Azərbaycan tədqiqatçılarının əsərləri əsasında), f.ü.f.d. Sədaqət Qasımlının “Türk tarixi və mədəniyyəti” (“Türk Amacı” dərgisinin materialları əsasında), f.ü.f.d. İnci Qasımlının “Əlaəddin Çələbinin “Kitabi-taci-ədəb” əsərinin tekstoloji tədqiqi və müqayisəli mətni”, Vüqar Məmmədovun "Fars dilini tədqiq edən Azərbaycan alimləri” (XX əsr), fəl.ü.f.d. Esmeralda Həsənovanın “Трактовка проблем религии ислам, нации, национализма и национального государства в современной Турции” (“Müasir Türkiyədə islam dini , millət, millətçilik və milli dövlət problemlərinin şərhi”), i.ü.f.d. Əkrəm Rəhimlinin “Сейид Джафар Пишевари. Жизнь и политическая деятельность” (“Seyid Cəfər Pişəvəri. Həyatı və siyasi fəaliyyəti”) kitablarının redaktə olunaraq nəşrə tam hazır olduğu qeyd edilib.