Deutschland online bookmaker http://artbetting.de/bet365/ 100% Bonus.
AMEA akademik Ziya Bünyadov adına Şərqşünaslıq İnstitutunun əməkdaşı filologiya üzrə fəlsəfə doktoru Teymur Sadıqovun “Ərəb və İbri dillərinin müqayisəli qrammatikası (morfologiya və sintaksis)” kitabı işıq üzü görüb. Kitab Türkiyənin İstanbul şəhərində türk dilində nəşr edilib.
AMEA akademik Ziya Bünyadov adına Şərqşünaslıq İnstitutunun baş elmi işçisi, tarix üzrə elmlər doktoru, professor Solmaz Rüstəmova-Tohidinin hazırladığı “Cümhuriyyətin “Azərbaycan” adlandırılması və onun tarixi əhəmiyyəti” kitabı işıq üzü görüb.
Kitabda 1918-ci ildə Şimali Azərbaycanın tarixi ərazilərində yaradılan yeni müstəqil milli dövlətə “Azərbaycan” adının verilməsi və bu hadisənin bir sıra xarici qüvvələr və ölkələr, ilk növbədə İran dövləti və mətbuatı tərəfindən birmənalı qarşılanmadığı kimi məsələlər tədqiq edilir. Dövri mətbuat, arxiv sənədləri və müxtəlif elmi tədqiqat əsərləri daxil olmaqla geniş mənbələr əsasında yazılmış bu tarixi oçerkdə “Azərbaycan” toponiminin hələ XIX əsrin sonları- XX əsrin əvvəllərində milli ruhlu Azərbaycan ziyalıları tərəfindən türk dilli mətbuatda və ədəbiyyatda dövriyyəyə gətirildiyi, sonrakı mərhələlərdə Azərbaycan ictimai-siyasi fikrində və Azərbaycan xalqının şüurunda təsbit olunduğu və 1918-ci ildə yeni yaranan dövlətin məhz tarixi-milli zəmində “Azərbaycan” adlandırıldığı göstərilir
AMEA akademik Ziya Bünyadov adına Şərqşünaslıq İnstitutunun baş elmi işçisi, tarix üzrə elmlər doktoru, professor Solmaz Rüstəmova-Tohidinin hazırladığı “Əlimərdan bəy Topçubaşov. İstanbulda diplomatik görüşlər. 1918-1919-cu illər” kitabı işıq üzü görüb. S.Rüstəmova-Tohidi kitabın elmi redaktoru, ön söz və adlar göstəricisinin müəllifidir.
AMEA akademik Ziya Bünyadov adına Şərqşünaslıq İnstitutunun baş elmi işçisi, tarix üzrə elmlər doktoru, professor Solmaz Rüstəmova-Tohidinin hazırladığı və rus dilində nəşr edilən “Алимардан бек Топчибашев. Армянский фактор в Бакинских событиях 1905-1906 и 1918 гг. Документы из Парижского архива” (Əlimərdan bəy Topçubaşov. Paris arxivindən sənədlər) kitabı işıq üzü görüb.