Orientalstudies.az

Yanvarın 15-də AMEA akademik Ziya Bünyadov adına Şərqşünaslıq İnstitutunda “Tarixi dövrümüzün gerçək siyasəti: Yaxın və Orta Şərq siyasətinin dünya tarixli əhəmiyyəti” mövzusunda seminar keçirilib. Yaxın və Orta Şərq tarixi və siyasəti seminarlar proqramının ilk tədbiri olacaq seminarda İnstitutun Ərəb ölkələri tarixi və iqtisadiyyatı şöbəsinin müdiri, t.ü.f.d. Fərda Əsədov məruzə edəcək. Seminar saat 12:00-da başlanacaq.

Olaylar.az AMEA Şərqşünaslıq İnstitutunun əməkdaşı, filologiya üzrə fəlsəfə doktoru, dosent, Nəsimişünas alim Səadət Şıxıyeva ilə "Nəsimi ili"nin yekunlarına dair özəl və geniş müsahibəni təqdim edib.

- Səadət xanım, 2019-cu il Nəsimi ili elan olundu. Nəsimişünas alim olaraq, ümumilikdə Nəsimi ilini necə dəyərləndirirsiniz?

- Ölkə prezidentinin məlum sərəncamı ilə ölkəmizdə Nəsimi ilinin elan olunması, əlbəttə ki, təqdirəlayiq bir haldır.  Bu sərəncam Nəsimi şəxsiyyətinə geniş dairələr və xalq kütlələrinin diqqətini cəlb etdi. Böyük əksəriyyət bu sahədə oxuyub biliyini artırmaq, söz söyləmək ehtiyacı hiss etdi. Azyaşlılardan başlamış yaşlı nəslə qədər çox sayda insan Nəsimi irsinə müraciət etdi. Onun yaradıcılığından müəyyən örnəklər əzbərləndi. Görülən işlərin təkcə ölkə miqyası ilə  hüdudlu qalmaması, səfirliklərimiz vasitəsilə xarici ölkələrdə də Nəsiminin 650 illiyi münasibətilə  tədbirlər təşkil olunması, əlbəttə ki, alqışlanası, bəyəniləsi bir haldır. Çünki bununla biz  malik olduğumuz mənəvi sərvət üzərindəki hüququmuzu, haqqımızı da təsdiqləmiş olduq.

Nəsimi ili ilə bağlı dekabrın son tədbirlərindən biri də Bakı Avrasiya Universitetində gerçəkləşib. Bu, say etibarilə bu universitetdə reallaşan altıncı tədbir idi: 3 seminar, 2 açıq dərs və bu tədbir. AMEA akademik Ziya Bünyadov adına Şərqşünaslıq İnstitutunun İran filologiyası şöbəsinin aparıcı elmi işçisi, İnstitutda fəaliyyət göstərən Nəsimi qrupunun rəhbəri, filologiya üzrə fəlsəfə doktoru, dosent Səadət Şıxıyevanın iştirak etdiyi tədbirdə onun senarisi əsasında tələbələr Nəsiminin son məhkəməsini həvəslə canlandırıblar. İnformativ məlumatların zövqlə seçilməsi, Nəsimi şeirinin həvəslə duet şəklində ifası, gənc dərvişlərin səhnəciyi diqqəti cəlb edib.

Dahi Azərbaycan şairi, mütəfəkkiri İmadəddin Nəsiminin 650 illik yubileyinə həsr edilmiş silsilə tədbirlər Dövlət Sərhəd Xidmətində böyük təntənə ilə qeyd edilir.

Hərbi hissə və bölmələrdə keçi­rilən seminarlarda, ədəbi-bədii gecələrdə elm və in­cəsənət xadimləri, yerli icra hakimiyyəti orqanlarının və ictimaiy­yətin çoxsaylı nü­ma­yən­dələri iştirak edirlər.

Bu tədbirlər çərçivəsində dekabr ayının 27-də Dövlət Sərhəd Xidmətinin Akade­miyasında Azərbaycan Milli Elmlər Akademiyasının Nizami Gəncəvi adına Ədəbiyyat İnstitutunun şöbə müdiri, filologiya üzrə elmlər doktoru, professor Bədirxan Əhmədlinin və AMEA akademik Ziya Bünyadov adına Şərqşünaslıq İnstitutunun İran filologiyası şöbəsinin aparıcı elmi işçisi, İnstitutda fəaliyyət göstərən Nəsimi qrupunun rəhbəri, filologiya üzrə fəlsəfə doktoru, dosent Səadət Şıxıyevanın iştirakı ilə keçirilən tədbirdə Azərbaycan xalqının ümumbəşər mədəniyyətinə bəxş etdiyi qüdrətli söz ustası, şərqin zəngin mədəni-mənəvi sərvətləri üzərində ucalmış, bədii söz sənətinin son dərəcə qiymətli incilərini meydana gətirmiş, dərin poetik fikirləri ilə dövrün elmi-fəlsəfi düşüncələrinin ifadəçisinə çevrilmiş, adı mərdlik, fədakarlıq və iradə rəmzi kimi çəkilən dahi İmadəddin Nəsiminin həyat və yaradıcılığından ətraflı məlumat verilmişdir.