Deutschland online bookmaker http://artbetting.de/bet365/ 100% Bonus.
SAFFET KÖSE: QAFQAZDA FORMALAŞAN, İNKİŞAF EDƏN İSLAM MƏDƏNİYYƏTİNİN DÜNYAYA VERƏCƏYİ MESAJLAR ÇOXDUR
Qafqazda İslam mədəniyyətinin müzakirə olunduğu bir simpoziumun iştirakçısı olmağımla qurur duyuram. Qafqazda formalaşan, inkişaf edən İslam mədəniyyətinin dünyaya verəcəyi mesajlar çoxdur.
Bu fikri İslam sivilizasiyası Qafqazda” II Beynəlxalq Simpoziumunun “İslam mədəniyyətinin Qafqazda dini və ictimai-mədəni həyata təsiri” panelinin moderatoru, “İzmir Katip Çelebi” Universitetinin rektoru, professor Saffet Köse deyib. O bildirib ki, tarixi sənədlər Qafqaz regionunun İslamla tanışlığının miladi təqvimlə 642-ci ilə təsadüf etdiyini göstərir. O dövrdən etibarən İslam mədəniyyəti bu bölgədə aparıcı rol oynayır.
HALİT EREN: “İSLAM SİVİLİZASİYASI QAFQAZDA” II BEYNƏLXALQ SİMPOZİUMU REGİON ÜÇÜN ƏLAMƏTDAR HADİSƏDİR
“İslam sivilizasiyası Qafqazda” II Beynəlxalq Simpoziumu nəinki Azərbaycan, bütün region üçün əlamətdar hadisədir. Əminəm ki, simpoziumda çox dəyərli işlər görüləcək və bu sahədə gələcək elmi-tədqiqat işlərinin proqramları müəyyən ediləcək.
Bu fikri İstanbulda fəaliyyət göstərən İslam Tarixi, İncəsənəti və Mədəniyyəti Araşdırma Mərkəzinin Baş direktoru Halit Eren söyləyib. O bildirib ki, beynəlxalq tədbirə dünyanın müxtəlif ölkələrindən elm adamları qatılıblar. Simpoziumda mövzu ilə bağlı edilən məruzələr kitab halında nəşr olunub, elm aləminə təqdim ediləcək.
Bu gün Bakıda Qafqazın və Avrasiyanın aparıcı islamşünas alimləri və mütəxəssisləri toplaşıblar. Son illərdə Bakı Qafqazda İslam mədəniyyətinin, elminin, təhsilinin mərkəzinə çevrilib.
Bu fikri Rusiyanın Moskva İslam İnstitutunun rektoru, professor Damir Muxetdinov deyib. O bildirib ki, regionda İslamın yayılmasına cənubi Qafqazdan başlanılıb. İlk olaraq Şamaxı, Dərbənd kimi tarixi şəhərlərdə İslam qəbul olunub və buradan Rusiyaya yayılıb. Rusiya müsəlmanları Qafqazla, Azərbaycanla dərin köklərlə bağlıdırlar. Hacı Zeynalabdin Tağıyev, Şəmsi Əsədullayev və digər azərbaycanlı mesenatlar Rusiya müsəlmanları üçün məktəblər açıb, mərkəzlər, dərnəklər yaradıb, jurnallar, qəzetlər çap ediblər. İllər keçməsinə baxmayaraq Azərbaycanda bu ənənə hələ də davam edir. Bakı regionda İslamın əlaqələndirici mərkəzi rolunu oynayır. “İslam sivilizasiyası Qafqazda” II Beynəlxalq Simpoziumu bunu bir daha sübut edir.