Orientalstudies.az

Sentyabrın 27-də səhər saat 06:00 radələrindən başlayaraq Ermənistan silahlı qüvvələrinin atəşkəs rejimini kobud şəkildə pozaraq, Azərbaycan ordusunun cəbhə zonasında yerləşən mövqelərini, eləcə də mülki obyektləri, dinc əhalini iriçaplı silahlar, minaatanlar və müxtəlif çaplı artilleriya qurğularından intensiv atəşə tutmasına cavab olaraq əks-həmlə əməliyyatlarına başlayan ordumuz Ali Baş Komandan İlham Əliyevin rəhbərliyi ilə işğal olunmuş torpaqlarımızın bir qismini azad edib və etməkdədir. Rəşadətli ordumuzun qələbələrini xalqımız böyük sevinc və iftixar hisləri ilə qarşılayır.

Ordumuza dəstək olmaq məqsədilə AMEA-nın akademik Ziya Bünyadov adına Şərqşünaslıq İnstitutunun kollektivi Azərbaycan Silahlı Qüvvələrinə Yardım Fonduna 5 min manat vəsait köçürüb.

Şərqşünas alimlər torpaqlarımızın azadlığı uğrunda mübarizə aparan müzəffər ordumuzun Qarabağı işğaldan tam azad edəcəyinə inanırlar.

Qələbə bizimlədir! Qarabağ Azərbaycandır!

AMEA-nın akademik Ziya Bünyadov adına Şərqşünaslıq İnstitutunun direktoru, akademik Gövhər Baxşəliyeva Silahlı Qüvvələrə Yardım Fonduna 1000 manat köçürüb.

AMEA-nın akademik Z.M.Bünyadov adına Şərqşünaslıq İnstitutunun elmi əməkdaşı Elnur Mustafayev BBC Arabic televiziyasına ərəb dilində növbəti müsahibəsini verib.
Şərqşünas alim oktyabr ayının 7-də yenidən BBC Arabicin “Xəbərlər” proqramına müsahibə verərək Ermənistan silahlı qüvvələrinin Azərbaycanın müxtəlif şəhərlərini atəşə tutması, atəş nəticəsində mülki vətəndaşlara maddi və mənəvi zərərlərin dəyməsi, həmçinin Ermənistanın beynəlxalq ictimaiyyətdə Azərbaycan əleyhinə həqiqətə uyğun olmayan informasiyaları yayması haqqında ətraflı məlumat verib. Bununla yanaşı, Elnur Mustafayev Qarabağın işğala uğraması və bir milyondan çox vətəndaşın öz yurdlarından məhrum olması və digər məsələlər haqqında söhbət açıb.

AMEA akademik Ziya Bünyadov adına Şərqşünaslıq İnstitutunun Şərq-Qərb şöbəsinin aparıcı elmi işçisi, ilahiyyat üzrə fəlsəfə doktoru, dosent Səbinə Nemətzadənin “Türk-islam miniatür sənətinin tarixi təşəkkül mərhələləri və üslubiyyatı” (“Исторические этапы становления и стилистика тюрко-исламского миниатюрного искусства”) adlı məqaləsi Rusiyada nəşr edilən və Web of Science, Scopus və digər nüfuzlu beynəlxalq bazalara daxil olan “Voprosı istorii” jurnalında dərc edilib.

Məqalədə Türk-İslam miniatür sənətinin dünya mədəniyyəti tarixindəki yeri və rolu təsbit edilir, onun tarixi mərhələləri və üslublarından bəhs olunur.   Türk-İslam dövlətlərində fərqli və ortaq dəyərləri ilə inkişaf edən məşhur türk-İslam miniatür məktəbləri tədqiqatın əsas obyektidir.