Orientalstudies.az

AMEAakad.Z.M.Bünyadovadına Şərqşünaslıq İnstitutunun "Beynəlxalq əlaqələr şöbəsinin" müdiriQafqazlı Gülər 16-18 oktyabr 2019-cuildə Ağrı şəhərində keçirilən "VBeynəlxalqAğrı dağı və Nuhungəmisi" adlı simpoziumdadaiştiraketmişdir. O, burada "Azərbaycan xalqınnın əmələ gəlməsində qədim türk qəbilələrinin rolu" adlı məruzə ilə çıxış etmişdir. Bu məruzədə Azərbaycan ərazisində mövcud olmuş ən qədim insan qalıqları və məskən yerlərində aparılmış qazıntılara söykənərək aparılmış tədqiqatların nəticəsinə uyğun faktlar gətirilmişdir. Azərbaycan ərazisində yaşamış türk qəbilələri mərhələləşdirilmiş və onların bütöv bir Azərbaycan xalqının əmələ gəlməsində oynadıqları rolu izah edilmişdir.

AMEA akad. Z.Bünyadov adına Şərqşünaslıq İnstitutunun  elmi-kütləvi nəşri olan “Azərbaycan şərqşunaslığı” jurnalının  № 1 (17), 2019 sayı işıq üzü görüb. Jurnalın ilk bölməsi ulu öndər Heydər Əliyevə həsr olunub. Bu bölmədə akademik Govhәr Baxşәliyevanın “Fovqәladә missiya, yaxud tarixin әn boyuk Azәrbaycanlısı” məqaləsi, həmçinin institutda ümummilli liderlə bağlı keçirilən tədbilərlə bağlı məlumat yer alıb.

Bu il anadan olmasının 650 illiyi qeyd edilən görkəmli Azərbaycan şairi İmadəddin Nəsimiyə həsr olunmuş növbəti bölmədə şairin yubileyinin qeyd edilmәsi haqqında Azәrbaycan Respublikası Prezidentinin Sәrәncamı, akademik Gövhәr Baxşәliyevanın “Nәsimi әdәbi mirasında әrәb dili”, akademik Möhsun Nağısoylunın “İmadәddin Nәsimi: Azәrbaycan klassik poeziyasının vә әdәbi dili tarixinin parlaq siması”, Sәadәt Şıxıyevanın “Nәsimi şeiriyyәtinin fәrdi özәlliklәri” və digər məqalələr yer alıb.

Prezident İlham Əliyev tərəfindən 2019-cu il ölkəmizdə “Nəsimi ili” elan olunaraq böyük Azərbaycan şairi və mütəfəkkiri İmadəddin Nəsiminin anadan olmasının 650 illiyi geniş qeyd edilir. Bu münasibətlə Ədliyyə Nazirliyi tərəfindən Nəsiminin həyat və yaradıcılığına həsr olunan silsilə tədbirlər təşkil edilir, o cümlədən gənclərə mütaliəyə marağın artırılması məqsədilə “Kitab günü” keçirilib, nazirliyin Penitensiar Xidmətinin cəzaçəkmə müəssisələrinin kitabxana fondları Nəsiminin və digər müxtəlif bədii, publisistik və elmi əsərlərdən ibarət 4 minə yaxın kitabla zənginləşdirilib, ədliyyə işçiləri “İmadəddin Nəsimi – 650” adlı geniş kitab sərgisi ilə tanış olublar.

Oktyabrın 17-də Ədliyyə Nazirliyinin təşkilatçılığı ilə Ədliyyə Akademiyasında Nəsiminin 650 illiyinə həsr olunmuş “Nəsimi yaradıcılığında humanizm” mövzusunda ədəbi-bədii tədbir keçirilib.

AMEA akad Z.M.Bünyadov adına Şərqşünaslıq İnstitutunda Azərbaycan Demokratik Respublikasının 100 illiyinə həsr olunmuş “Şərqin ilk demokratik respublikası” mövzusunda elmi konfransın materialları dərc olunub. Topluda AMEA-nın vitse-prezidenti, millət vəkili, akademik İsa Həbibəylinin “Azərbaycan Xalq Cümhuriyyətində maarifçilik hərəkatı və müasir dövr”, AMEA-nın İctimai Elmlər Bölməsinin akademik-katibi, akademik Nərgiz Axundovanın “Azərbaycan Xalq Cümhuriyyəti - müasir Azərbaycanın sələfidir”,  Şərqşünaslıq İnstitutunun direktoru, millət vəkili, akademik Gövhər Baxşəliyevanın “Azərbaycan Xalq Cümhuriyyətinin qadın siyasəti milli-mədəni sahədə fəaliyyəti”, t.ü.e.d., professor, millət vəkili Fəzail İbrahimlinin “Azərbaycan Xalq Cümhuriyyəti – 100”, Şərqşünaslıq İnstitutunun Mərkəzi Asiya ölkələri şöbəsinin müdiri, i.ü.e.d. Dünyamalı Vəliyevin “Azərbaycan Xalq Cümhuriyyətinin iqtisadi və maliyyə siyasəti”, İran tarixi və iqtisadiyyatı şöbəsinin müdiri, t.ü.f.d. Vidadi Mustafayevin “Azərbaycan Xalq Cümhuriyyəti–İran münasibətlərinin ideoloji problemləri”, və s. məruzələrin mətnləri dərc olunub.