Deutschland online bookmaker http://artbetting.de/bet365/ 100% Bonus.
Azərbaycan Respublikasının Gənclər Fondunun dəstəyi və Azərbaycan Tələbə Gənclər Təşkilatları İttifaqının birgə təşkilatçılığı ilə oktyabrın 16-da “Tarixi zəfərimİZin əsasları” layihəsi çərçivəsində tələbələrlə növbəti görüş keçirilmişdir.
Azərbaycan Tələbə Gənclər Təşkilatları İttifaqının ofisində baş tutmuş görüş zamanı tarix üzrə fəlsəfə doktoru, dosent, AMEA Şərqşünaslıq İnstitutunun aparıcı elmi işçisi Sübhan Talıblı ekspert qismində çıxış edərək şanlı #zəfərimİZ-in tarixi aspektlərindən bəhs etmişdir. Beynəlxalq ictimaiyyətə haqq səsimizin çatdırılması üçün tarixi faktların əhəmiyyətindən danışan ekspert, tələbərə bu istiqamətdə ətraflı məlumatlar vermişdir.
AMEA-nın akademik Ziya Bünyadov adına Şərqşünaslıq İnstitutunun “Şərq araşdırmaları” elmi-nəzəri jurnalının üçüncü sayı işıq üzü görüb.
Jurnalda filologiya, tarix, siyasi elmlər, fəlsəfə sahələrinə aid 23 elmi məqalə dərc olunub. Bu sırada maraqlı mövzularda “Nizami Gəncəvi yaradıcılığının ədəbi təsir dairəsi”, “Bədr Şirvani yaradıcılığında qəzəl”, “Orta əsrlərdə Türkiyədə yaşayan Azərbaycan əsilli alimlər”, “Postsovet məkanında Asiya regionu və Azərbaycan”, “Orta əsr ərəb-fars mənbələrində Azərbaycan əhalisinin etnik mənşəyi”, “XVI əsr Osmanlı əlyazmalarında Türkiyənin hərbi-siyasi tarixi”, “Qərb və Şərq sivilizasiyalarının qarşılıqlı fəaliyyətinin (müasir dünyada) kulturoloji xüsusiyyətləri” və s. məqalələri qeyd etmək olar.
Oktyabr ayının 14-15 tarixlərində Rusiya Federasiyasının Tatarıstan Respublikasının Kazan şəhərində “Multikultural dünyada islam” mövzulu beynəlxalq elmi konfrans keçirilib. Tədbirdə bir sıra ölkələrdən tarix, beynəlxalq münasibətlər, sosiologiya, dinşünaslıq və digər sahələrin mütəxəssisləri iştirak edib. Konfransın əsas məqsədi müasir dünyada islam dininin vəziyyəti, Yaxın Şərq, Şimali Afrika, Mərkəzi Asiya və Qafqaz ölkələrində baş verən mühüm ictimai-siyasi proseslərə dini amilin təsiri, beynəlxalq və regional təhlükəsizliyin təminində islam faktorunun rolu, islam aləmində sosial-iqtisadi inkişafın perspektivləri və digər məsələlərinin müzakirə edilməsi idi. Tədbir iştirakçıları iki gün ərzində qeyd edilən problemlər ətrafında geniş diskussiyalar aparıb və fikir mübadiləsi ediblər.
İsmayıllı Regional Mədəniyyət İdarəsinin tabeliyində fəaliyyət göstərən Şamaxı, Qəbələ, İsmayıllı, Qobustan Heydər Əliyev mərkəzlərinin birgə təşkilatçılığı ilə 18 Oktyabr - Müstəqilliyin Bərpası Gününə həsr olunan “Heydər Əliyev və müstəqil dövlətçilik tariximiz” adlı videokonfrans keçirilib.
Şamaxı Heydər Əliyev Mərkəzinin direktoru Könül Eyvazova tədbiri açaraq Azərbaycanın müstəqillik tarixindən danışıb. Vurğulayıb ki, bütün fəaliyyəti dövründə xalqımızın əldə etdiyi ən böyük uğurların hər birində Heydər Əliyev imzası var. Ulu Öndər həyatı boyu vətəninin, xalqının gələcəyini düşünüb, Azərbaycanın müstəqilliyinin əbədiliyi üçün bu dövlətin ideya əsaslarını müəyyənləşdirib.
Videokonfransda AMEA-nın akademik Ziya Bünyadov adına Şərqşünaslıq İnstitutunun aparıcı elmi işçisi, dosent, tarix üzrə fəlsəfə doktoru Sübhan Talıblı ulu öndər Heydər Əliyevin dövlətçilik konsepsiyası, daxili və xarici siyasəti mövzusunda geniş məruzə ilə çıxış edib.