Deutschland online bookmaker http://artbetting.de/bet365/ 100% Bonus.
Avqustun 30-da Daşkənd şəhərində Özbəkistan Respublikasının müstəqilliyinin 30 illiyinə həsr olunmuş “Yeni dövr və Özbəkistanın inkişaf perspektivləri” mövzusunda beynəlxalq elmi-praktik konfrans keçirilib. Tədbirdə Özbəkistan Elmlər Akademiyasının prezidenti akademik Bekzod Yuldaşev, Rusiya Elmlər Akademiyasının prezidenti akademik Aleksandr Sergeyev, Qazaxstan Elmlər Akademiyasının prezidenti akademik Murat Jurinov, Özbəkistanın bir sıra dövlət və elm xadimləri, xarici ölkələrdən tanınmış alimlər iştirak ediblər.
Elmi konfransın əsas məqsədi 30 illik müstəqillik dövründə Özbəkistan Respublikasının ictimai, iqtisadi, elmi və mədəni sahədə əldə etdiyi nailiyyətləri nəzərdən keçirmək, qloballaşma və pandemiya dövründə ölkə qarşısında duran yeni problemlər və gələcək inkişaf perspektivlərini təhlil etməkdən ibarət idi.
Ölkəmizi bu beynəlxalq tədbirdə AMEA ak. Ziya Bünyadov adına Şərqşünaslıq İnstitutunun direktor müavini, akademik Şahin Mustafayev təmsil edib.
Argentinadakı səfirliyimizin təşəbbüsü və La Plata Dövlət Universiteti nəzdində fəaliyyət göstərən “Azərbaycanşünaslıq” kafedrasının təşkilati dəstəyi ilə ispan dilinə tərcümə edilmiş dahi Azərbaycan şairi və mütəfəkkiri İmaddədin Nəsiminin poeziyasına həsr olunmuş “Nəsimi poeziyası” kitabının onlayn formatda təqdimatı keçirilib.
AMEA-nın akademik Z.Bünyadov adına Şərqşünaslıq İnstitutunun Ərəb filologiyası şöbəsinin aparıcı elmi işçisi, filologiya üzrə fəlsəfə doktoru, dosent Xumar Ələkbərova avqustun 8-9-da Polşanın paytaxtı Varşavada keçirilən IV Beynəlxalq Avropa Disiplinlərarası Araşıdrmalar Konfransında iştirak edib.
Konfransın işinə ZOOM proqramı vasitəsilə qatılan şərqşünas "Müasir Misir ədəbiyyatında kənd həyatı və dəyişməyən tarixi reallıqlar” mövzusunda məruzə ilə çıxış edib.
AMEA-nın akademik Z.Bünyadov adına Şərqşünaslıq İnstitutunun Ərəb filologiyası şöbəsinin aparıcı elmi işçisi, filologiya üzrə fəlsəfə doktoru, dosent Xumar Ələkbərova iyulun 16-18-də Avstraliyanın Sidney şəhərində keçirilən V Beynəlxalq Sakit Okean Müasir Elmlər Konfransında iştirak edib.
Konfransın işinə ZOOM proqramı vasitəsilə qatılan şərqşünas alim "Müharibə fəsadlarından bəhs edən yeni dövr Misir novelistikası” mövzusunda məruzə ilə çıxış edib.
Məruzədə XIX əsrdə ərəb ədəbiyyatına daxil olan novellajanrının müasir Misir ədəbiyyatında keçdiyi inkişafı yolu haqqında qısa məlumat verilib. Daha sonra bu janr, xüsusən müharibə mövzusunda yazılmış novellalar daxil olmaqla, müasir misirli yazıçıların yaradıcılığında şərh edilib.