Orientalstudies.az

Dekabrın 11-də AMEA akademik Ziya Bünyadov adına Şərqşünaslıq İnstitutunda xalqımızın ümummilli lideri Heydər Əliyevin xatirəsinə həsr olunan anım tədbiri keçirilib.
Tədbiri giriş sözü ilə açan Şərqşünaslıq İnstitutunun direktoru, akademik Gövhər Baxşəliyeva Ulu öndərin Azərbaycan xalqının həyatında oynadığı böyük roldan danışdı: «Heydər Əliyev Azərbaycan tarixində müstəsna rolu olan şəxsiyyətdir. Ulu öndər həm sovet dövründə respublikamıza rəhbərliyi zamanı, həm də müstəqillik illərində ölkə prezidenti kimi Azərbaycan xalqı üçün misilsiz işlər görüb. Müstəqil Azərbaycanın rəhbərliyinə xalqın tələbi ilə respublikanın ən çətin vaxtında gələn Heydər Əliyev qısa müddətdə ictimai asayişin bərpasına nail olaraq, insanlarda gələcəyə böyük inam yaratdı. Ümummilli liderimiz ölkəmizin yüksək iqtisadi inkişafının əsasını qoydu».

AMEA-nın akademik Z.M.Bünyadov adına Şərqşünaslıq İnstitutunun elmi əməkdaşı Elnur Mustafayev dekabrın 10-da Zəfər paradı münasibəti ilə "BBC Arabic" Tv kanalına canlı yayımda müsahibə verib. Azərbaycanlı şərqşünas müsahibəsində Zəfər  paradının Azərbaycan xalqı üçün əhəmiyyətindən danışıb və rəşadətli Azərbaycan ordusunun əldə etdiyi qələbə haqqında ətraflı məlumat verib.  Həmçinin, E.Mustafayev müştərək tarix, mədəniyyət və milli dəyərlərə söykənən Azərbaycan - Türkiyə əlaqələrindən söhbət açıb.

Dekabrın 10-da sənədlərin imzalanması mərasimindən sonra Azərbaycan Respublikasının Prezidenti İlham Əliyev və Türkiyə Respublikasının Prezidenti Rəcəb Tayyib Ərdoğan mətbuata birgə bəyanatlarla çıxış ediblər.

 Əvvəlcə dövlətimizin başçısı bəyanatla çıxış etdi.

 Prezident İlham Əliyevin bəyanatı

 -Əziz Qardaşım, hörmətli Cümhurbaşqanı. 

 Sizi Azərbaycanda bir daha səmimiyyətlə salamlayıram. Xoş gəlmisiniz.

Dekabrın 10-da təkbətək görüş başa çatandan sonra Prezident İlham Əliyevin və Prezident Rəcəb Tayyib Ərdoğanın iştirakı ilə Azərbaycan-Türkiyə sənədlərinin imzalanması mərasimi olub.

 Bakı Nəqliyyat Agentliyi ilə “BMC Otomativ Sənaye və Ticarət” şirkəti arasında Anlaşma Protokolunu Bakı Nəqliyyat Agentliyinin İdarə Heyətinin sədri Vüsal Kərimli və “BMC Otomativ Sənaye və Ticarət” şirkətinin İdarə Heyətinin üzvü Taha Öztürk imzaladılar.

 Azərbaycan Avtomobil Yolları Dövlət Agentliyi ilə “BMC.AZ” şirkəti arasında Anlaşma Protokolunu Azərbaycan Avtomobil Yolları Dövlət Agentliyinin İdarə Heyətinin sədri Saleh Məmmədov və “BMC Otomativ Sənaye və Ticarət” şirkətinin İdarə Heyətinin üzvü Taha Öztürk imzaladılar.