Orientalstudies.az

Global Research-ün təşəbbüsü ilə 23 fevral 2025-ci ildə "XXI əsrdə beynəlxalq münasibətlərin əhəmiyyəti" mövzusunda vebinar təşkil edilib. Tədbirdə beynəlxalq münasibətlər sahəsində tanınmış mütəxəssislər iştirak edərək qlobal diplomatiyanın, texnologiyanın və tarixi yanaşmaların bu sahəyə təsiri barədə müzakirələr aparıblar.

 Bu vebinar Global Research təşəbbüsünün bir hissəsidir. Layihə üç beynəlxalq konfrans, üç vebinar və iştirakçılar üçün fasiləsiz asinxron dəstək xidmətlərini əhatə edir. Layihənin ilk konfransı Sinqapurda (SMU) keçirilib, ikinci konfrans 13 aprel 2025-ci ildə Qahirədə keçiriləcək, final konfransı isə Şuşada baş tutacaq.

AMEA-nın akademik Z.M.Bünyadov adına Şərqşünaslıq İnstitutunun Din və ictimai fikir şöbəsinin müdiri, fəlsəfə üzrə fəlsəfə doktoru, dosent Elnur Mustafayev Azərbaycan Beynəlxalq İnkişaf Assosiasiyasının (EIDA) həmtəşkilatçılığı ilə İraqın Tel-Afər və Kərbəla şəhərlərində Azərbaycan və İraq türkmanlarının ortaq mədəniyyət və dövlətçilik tarixinə, Azərbaycan dövlətçilik tarixində İraq türkmanlarının roluna həsr olunmuş konfransda iştirak edib. Şərqşünas alim konfransda "Azərbaycan və İraq türkmanları arasnda tarixi-siyasi və ictimai-mədəni əlaqələr" mövzusunda məruzə ilə çıxış edib.

AMEA-nın akademik Z.M.Bünyadov adına Şərqşünaslıq İnstitutunun Türkiyə tarixi və iqtisadiyyatı şöbəsinin aparıcı elmi işçisi, tarix üzrə fəlsəfə doktoru Yaxşıxanım Nəsirova fevralın 24-26-da Türkiyənin Qaziantep şəhərində keçirilən ZEUGMA 13-cü Beynəlxalq Elmi Araşdırmalar Konfransında iştirak edib.

AMEA-nın akademik Z.M.Bünyadov adına Şərqşünaslıq İnstitutunun Yazılı abidələrin tədqiqi və nəşri şöbəsinin aparıcı elmi işçisi, filologiya üzrə fəlsəfə doktoru, dosent Teymur Sadıqov 21-23 fevral tarixlərində Türkiyədə keçirilən II Beynəlxalq Elmi Araşdırmalar və İnnovasiyalar Konfransında  məruzə ilə çıxış edib.