Orientalstudies.az

11 iyun 2024-cü il saat 12.00-da Azərbaycan Respublikasının Prezidenti yanında Ali Attestasiya Komissiyasının Azərbaycan Milli Elmlər Akademiyası akademik Z.M.Bünyadov adına Şərqşünaslıq İnstitutunun nəzdində fəaliyyət göstərən FD 1.18 Dissertasiya şurasının iclasında 5718.01 – “Dünya ədəbiyyatı (ərəb ədəbiyyatı)” ixtisasında filologiya üzrə fəlsəfə doktoru elmi dərəcəsini almaq üçün təqdim edilmiş dissertasiya işinin müdafiəsi keçiriləcək.

Mayın 15-də AMEA-nın akademik Ziya Bünyadov adına Şərqşünaslıq İnstitutunda Şah İsmayıl Xətainin vəfatının 500 illiyinə həsr olunmuş "Şah İsmayıl  Xətainin Azərbaycan tarixində və ədəbiyyatında fövqəladə missiyası" mövzusunda elmi sessiya keçirilib.

Tədbiri giriş sözü ilə açan AMEA-nın vitse-prezidenti vəzifəsini icra edən, Şərqşünaslıq İnstitutunun direktoru akademik Gövhər Baxşəliyeva Səfəvi dövlətinin əsasını qoyan Şah İsmayıl Xətainin doğma torpaqların birliyi, bütövlüyü uğrunda mübarizə apardığını və böyük qələbələrə nail olduğunu deyib. Akademik G.Baxşəliyeva adının şərqdən-qərbə bütün dünyaya yayılan görkəmli dövlət xadiminin rəhbərliyi altında orta əsrlərdə xalqımızın dövlətçilik tarixində Səfəvilər imperiyasının ən yüksək mərhələ olduğunu bildirib.

AMEA-nın akademik Ziya Bünyadov adına Şərqşünaslıq İnstitutunun aparıcı elmi işçisi, filologiya üzrə fəlsəfə doktoru Vüqar Məmmədovun “Fars dilini tədqiq edən Azərbaycan alimləri (XX əsr)” adlı kitabı çapdan çıxıb.

Fars dilinin azərbaycanlı alimlər tərəfindən öyrənilməsinin on əsrlik bir tarixi var. «Fars dilini tədqiq edən Azərbaycan alimləri (XX əsr)»  monoqrafiyasından bu tarixin sovet dövründə, eləcə də müstəqilliyimizin ilk on ilində Azərbaycan Dövlət Universitetində, respublikanın bir sıra digər ali məktəblərində və Elmlər Akademiyasında, əsasən Şərqşünaslıq İnstitutunda fars dili ilə bağlı nəşr olunan kitablar, dərsliklər və dərs vəsaitləri barəsində ətraflı məlumat almaq olar.

Mayın 13-də AMEA-nın akademik Z.M. Bünyadov adına Şərqşünaslıq İnstitutunda institutun direktoru akademik Gövhər Baxşəliyevanın sədrliyi,  Təhsil şöbəsinin müdiri f.ü.f.d., dosent Lalə Bayramovanın təşkikatçılığı ilə və  Əzizə İsmayılovanın nəzarətçiliyi sayəsində alim heyəti ilə birgə dörd ixtisas - "Beynəlxalq münasibətlər", "Dinin tarixi və fəlsəfəsi", "Dinşünaslıq", "Türk xalqları ədəbiyyatı" olmaqla fəlsəfə doktorluğu üzrə yay minimum imtahan sessiyası keçirilib.