Orientalstudies.az

AMEA-nın akademik Ziya Bünyadov adına Şərqşünaslıq İnstitutunun elmi-kütləvi nəşri olan “Azərbaycan şərqşünaslığı” jurnalının növbəti sayı işıq üzü görüb.

Sovet İttifaqı Qəhrəmanı, akademik Ziya Bünyadovun 100 illik yubileyinə həsr olunmuş rubrikada akademik Gövhər Baxşəliyevanın “Zaman anlamının fövqündə duran böyük alim” və özbəkistanlı professor Həmidulla Boltaboyevin “Mərkəzi Asiyanın mədəniyyət tarixi akademik Ziya Bünyadovun tədqiqatlarında” adlı məqalələri, eləcə də Şərqşünaslıq İnstitutunda yubileylə bağlı keçirilmiş konfrans barədə məlumat yer alır.

AMEA-nın akademik Ziya Bünyadov adına Şərqşünaslıq İnstitutunun şöbə müdiri, fəlsəfə elmləri doktoru, professor Roida Rzayeva 21-24 noyabr 2024-cü il tarixində Türkiyənin Antalya şəhərində keçirilən Ziya Göyalpın vəfatının 100 illiyinə həsr edilmiş Türk Dünyasının V Beynəlxalq Təhsil və Sosial Elmlər Konqresində iştirak edib.

Azərbaycanlı alim konqresdə “Türk Dünyası yeni geosiyasi konyunkturada” adlı məruzə ilə çıxış edib.

AMEA-nın akademik Ziya Bünyadov adına Şərqşünaslıq İnstitutunun Beynəlxalq əlaqələr şöbəsinin müdiri, tarix üzrə fəlsəfə doktoru Gülər Qafqazlı noyabrın 20-də COP29 çərçivəsində keçirilən “Qlobal iqlim dəyişiklikləri: Həll yolları” mövzusunda seminarda iştirak edib.

Mavi zonada təşkil edilən zeminarda şərqşünas alim “Misirdə şirin su layihələri: 2014-2024-cü illər üçün davamlı inkişaf planları” mövzusunda məruzə edib.

Noyabrın 4-də AMEA Rəyasət Heyəti Aparatının kiçik zalında "Yaşıl dünya naminə həmrəylik - COP 29-un çağrışları və humanitar elmin vəzifələri" mövzusunda elmi konfrans keçirilib. Konfransda Şərqşünaslıq İnstitutunun Şərqşünaslıq elminin tarixi və nəzəriyyəsi şöbənin aparıcı elmi işçisi, ped.ü.f.d. Lalə Mikayılzadə "Ulu Öndər Heydər Əliyevin ekoloji siyasəti" mövzusunda çıxış edib.