Orientalstudies.az

     Azərbaycan şərqşünaslıq elminə ağır itki üz verib. Görkəmli şərqşünas alim, AMEA akad. Z.M.Bünyadov adına Şərqşünaslıq İnstitutunun Ərəb filologiyası şöbəsinin müdiri, filologiya üzrə elmlər doktoru, professor Vilayət Cəfərov fevral ayının 21-də dünyasını dəyişib.
    Vilayət Abbasqulu oğlu Cəfətov 1940-cı il mayın 15-də Tovuz rayonunun Bozalqanlı kəndində anadan olub. 1960-1965-ci illərdə Azərbaycan Dövlət Universitetinin Şərqşünaslıq fakültəsinin Ərəb dili bölməsində ali təhsil alıb. 1967-ci ildən ömrünün sonuna kimi Şərqşünaslıq İnstitutunda işləyib. Ötən müddət ərzində İnstitutun aspiranturasında təhsil alıb, kişik elmi işçi, baş elmi işçi vəzifələrində çalışıb. 2000-ci ildən Şərqşünaslıq İnstitutunun Ərəb filologiyası şöbəsinin müdiri olub. 1978-1981-ci illərdə İraqda tərcüməçi vəzifəsində çalışıb.

Ukraynanın V.İ.Vernadski adına Tavriya Milli Universitetinin "Вчени записки" jurnalında AMEA akademik Z.M.Bünyadov adına Şərqşünaslıq İnstitutunun elmi əməkdaşı Elnur Mustafayevin "Мeсто веры в мехдианство в идеологической политике государства Сефевидов" (Səfəvilər dövlətinin ideoloji siyasətində mehdilik inancının yeri) adlı elmi məqaləsi dərc edilib.

      AMEA akad. Z.Bünyadov adına Şərqşünaslıq İnstitutunda keçiriləcək “Nəriman Nərimanov – böyük maarifçi və ictimai-siyasi xadim” adlı elmi konfransın materialları dərc olunub.
      Topluda Respublikanın müxtəlif elm və təhsil müəssisəsinin əməkdaşlarının 28 məruzəsinin tezisləri dərc olunub. Tezislərdə Nəriman Nərimanovun zəngin və çoxşaxəli fəaliyyəti müxtəlif aspektdən nəzərdən keçirilir. Bu sırada görkəmli dövlət xadiminin istər ictimai-siyasi fəaliyyəti və baxışları, istər maarifçilik sahəsində xidmətləri, istər ədəbi yaradıcılığı, istər elmi-nəzəri görüşləri, istər tibb sahəsində qələminin məhsulu, istər dilçilik fəaliyyəti ilə bağlı maraqlı məruzələrin tezisləri yer alıb.

     Azərbaycan Milli Elmlər Akademiyasının İctimai Elmlər bölməsinin və akademik Ziya Bünyadov adına Şərqşünaslıq İnstitutunun birgə təşkilatçılığı ilə keçiriləcək “Şərq xalqlarının I qurultayı – Bakı, 1920. Şərq dünyası 100 il əvvəl və bu gün” mövzusunda beynəlxalq elmi konfransın materialları toplusu çap olunub.
     Topluda Azərbaycan, Türkiyə, Misir və Hollandiyadan ümumilikdə 62 tezis dərc edilib.