Orientalstudies.az

Yanvarın 28-də AMEA-nın akademik Z.Bünyadov adına Şərqşünaslıq İnstitutunda Yəhudi dininin Müqəddəs Kitabı “Tanax”ın ikinci hissəsi olan «Peyğəmbərlər» kitabının Azərbaycan dilinə tərcüməsinin təqdimatı keçirilib.

AMEA-nın əsas binasının ikinci mətrəbəsində yerləşən Akt zalında keçirilən tədbiri giriş sözü ilə AMEA-nın vitse-prezidenti vəzifəsini icra edən, Şərqşünaslıq İnstitutunun baş direktoru, akademik Gövhər Baxşəliyeva açıb.

G.Baxşəliyeva multikultural Azərbaycan cəmiyyətində Yəhudi dininin müqəddəs Kitabı “Tanaxın”ın dilimizə tərcüməsinə böyük ehtiyac olduğunu bildirib. Şərqşünaslıq İnstitutunun Mənbəşünaslıq və yazılı abidələrin tədqiqi və nəşri şöbəsinin aparıcı elmi işçisi, filologiya üzrə fəlsəfə doktoru Teymur Sadıqovun 2019-cu ildə Azərbaycanda ilk dəfə olaraq Yəhudi dininin Müqəddəs Kitabı “Tanax”ın birinci hissəsi olan “Tövrat”ı orijinaldan Azərbaycan dilinə tərcümə etdiyini xatırladan G.Baxşəliyeva hazırda təqdim edilən “Peyğəmbərlər” kitabının “Tanax”ın ikinci hissəsi olduğunu qeyd edərək, T.Sadıqovun bu tərcümələrinin işıq üzü görməsinin həm də Azərbaycan Şərqşünaslıq elmində Hebraistika sahəsinin başlanmasına bir göstərici olduğunu qeyd edib.

AMEA-nın akademik Ziya Bünyadov adına Şərqşünaslıq İnstitutunda keçirilmiş “21-ci əsrdə Yunus Əmrəni anlamaq” mövzusunda Beynəlxalq Yunus Əmrə Simpoziumunun materialları çap olunub.

Yunus Əmrənin vəfatının 700-cü ildönümündə UNESCO tərəfindən elan edilmiş “Yunus Əmrə İli” münasibətilə keçirilmiş simpoziumun təşkilatçıları AMEA-nın akademik Z.Bünyadov adına Şərqşünaslıq İnstitutu və Mehmet Akif Ərsoy Vəqfi idi.

Dərc olunmuş topluda ümumilikdə simpoziumda dinlənilmiş 41 məruzənin tam mətni təqdim edilir. Azərbaycan alimlərindən akademik İsa Həbibbəylinin “Yunus Əmrə zirvəsi”, akademik Gövhər Baxşəliyevanın “Əsrlərdən günümüzə səslənən Yunus Əmrə”, Salidə Şərifovanın “Tərəkəmə-qarapapax ağzı”nda yazıb-yaratmış ədib: Yunus Əmrə”, Səadət Şıxıyevanın “Yunus və Nəsiminin “müştərək” şeirləri”, Rəna Rzayevanın “Yunus Əmrə mənəviyyatı”, Xuraman Hümmətovanın “Yunus Əmrə şeirində dünya modelinin poetik funksionallığı”, Barat Osmanovanın “Yunus Əmrə şeirlərində ilahi eşq” və s. məruzələrin mətnləri topluda dərc olunub.

Yanvarın 28-də AMEA-nın akademik Z.Bünyadov adına Şərqşünaslıq İnstitutunda Yəhudi dininin Müqəddəs Kitabı “Tanax”ın ikinci hissəsi olan «Peyğəmbərlər» kitabının Azərbaycan dilinə tərcüməsinin təqdimatı keçiriləcək.

          AMEA-nın əsas binasının 2-ci mərtəbəsindəki akt zalında keçiriləcək tədbir saat 12:00-da başlanacaq