Orientalstudies.az

Dekabrın 20-də misirli alimlər – Süveyş Kanalı Universitetinin professoru dr. Əbdülrəhim əl-Kurdi və məşhur xəttat Mustafa Məhəmməd Öməri AMEA akademik Z.M.Bünyadov adına Şərqşünaslıq İnstitutunda oldular. Azərbaycan Respublikasının Prezidenti yanında Bilik Fondunun və Misir Ərəb Respublikasının Azərbaycandakı Mədəniyyət Mərkəzinin dəstəyi ilə ölkəmizdə səfərdə olan misirli alimlər ilk olaraq Şərqşünaslıq İnstitutunun direktoru, millət vəkili, akademik Gövhər Baxşəliyeva ilə görüşdülər. Qonaqları Azərbaycandakı Misir Mədəniyyət Mərkəzinin sədri  Əhməd Sami Elaydi müşayiət edirdi.

Dekabrın 8-də AMEA akademik Ziya Bünyadov adına Şərqşünaslıq İnstitutunda xalqımızın ümummilli lideri, müasir Azərbaycanın banisi və qurucusu Heydər Əliyevin xatirə tədbiri keçirildi.

Millət vəkili, İnstitutun direktoru, akademik Gövhər Baxşəliyeva çıxışında Heydər Əliyevin Azərbaycan xalqının tarixi inkişafında müstəsna xidmətlərindən danışdı: «Heydər Əliyev Azərbaycan tarixində müstəsna rolu olan şəxsiyyətdir. Azərbaycanın tarixinin 40 ili ümummilli lider Heydər Əliyevin adı ilə bağlıdır. Ulu öndər xalqımızın tarixinə gördüyü misilsiz işlərlə böyük qurucu şəxsiyyət və xilaskar kimi düşüb. Onun həm sovetlər dövründə, həm də müstəqillik illərində Azərbaycan xalqına xidmətləri əvəzsizdir. Mən onu ən böyük azərbaycanlı, ən böyük vətənpərvər hesab edirəm».

Birləşmiş Ərəb Əmirliklərində nəşr olunan gündəlik müstəqil siyasi qəzet “Əl-Fəcr”də AMEA akademik Z.M.Bünyadov adına Şərqşünaslıq İnstitutun direktoru, millət vəkili akademik Gövhər Baxşəliyeva ilə müsahibə dərc edilib. Müsahibəni qəzetin baş redaktoru Şərif əl-Bassel götürüb. Şərif əl-Bassel qəzetin bir səhifəsini əhatə edən yazısını “Gövhər Baxşəliyeva Birləşmiş Ərəb Əmirliklərindəki hərtərəfli inkişafı yüksək qiymətləndirdi” başlığı altında təqdim edib.

 Azərbaycan Milli Elmlər Akademiyası (AMEA) akademik Ziya Bünyadov adına Şərqşünaslıq İnstitutunun direktoru, Milli Məclisin deputatı, akademik Gövhər Baxşəliyeva “Radio France Internationale Radio Monte Carlo Doualiya”nın müxbirinə müsahibə verib. Fransa radiosunun ərəb verilişləri bölməsinin müxbiri Samira İbrahimin suallarını cavablandıran Gövhər Baxşəliyeva Şərqşünaslıq İnstitutunda aparılan tədqiqatlar, özünün elmi və ictimai fəaliyyəti və digər mövzularda danışıb.