Orientalstudies.az

Özbəkistanın “orol24.uz” portalı Azərbaycanın Goranboy rayonunun Ballıqaya kəndində Ermənistan silahlı qüvvələri tərəfindən dinc azərbaycanlılara qarşı törədilən faciə ilə bağlı məqalə yayıb.

AZƏRTAC xəbər verir ki, Özbəkistandakı Heydər Əliyev adına Azərbaycan Mədəniyyət Mərkəzinin təşəbbüsü ilə rus dilində dərc olunan məqalənin müəllifi Azərbaycan Milli Elmlər Akademiyasının Şərqşünaslıq İnstitutunun aparıcı elmi işçisi, dosent Sübhan Talıblıdır.

Məqalədə bildirilir ki, 28 il əvvəl ermənilər eyni kənddən 24 nəfəri qəddarlıqla qətlə yetiriblər. Onların arasında 6 azyaşlı uşaq, altıaylıq 1 körpə və 93 yaşlı qadın da olub. Öldürülənlərin bəzilərinin cəsədləri yandırılıb, faciə nəticəsində 3 uşaq valideynlərinin hər ikisini itirib.

Özbəkistanın fikr.uz portalı Ermənistanın Azərbaycanın işğal edilmiş ərazilərində qanunsuz məskunlaşdırma siyasəti haqqında rus dilində məqalə yayıb.

Azərbaycan Milli Elmlər Akademiyasının Şərqşünaslıq İnstitutunun elmi işçisi, dosent Sübhan Talıblının müəllifi olduğu məqalədə bildirilir ki, Ermənistan Azərbaycanın işğal olunmuş ərazilərində artıq uzun illərdir qanunsuz məskunlaşdırma siyasəti aparır, bununla da ərazinin demoqrafik strukturunda dəyişiklik edir.

Misirin “Aldiplomasy” internet qəzetində AMEA-nın Şərqşünaslıq İnstitutunun aparıcı elmi işçisi, tarix üzrə fəlsəfə doktoru, dosent Sübhan Talıblının erməni vandalizmi haqqında “Eurasia Diary” portalına müsahibəsi dərc edilib.

Tarixçi alim bildirir ki, Ermənistanın işğal etdiyi Azərbaycan ərazilərində məskunlaşdırma aparmasına, Azərbaycan xalqına məxsus maddi mədəniyyət abidələrini təhrif və məhv etməsinə, qeyri-qanuni kommersiya fəaliyyətini həyata keçirməsinə dair məlumatlar bir sıra beynəlxalq və regional təşkilatların qərar və hesabatlarında, xarici və yerli KİV-də, bir çox tədqiqatlarda öz əksini tapıb:

19 sentyabr tarixi görkəmli şərqşünas alim, pedaqoq, filologiya elmləri doktoru, professor Aida İmanquliyevanın anım günüdür. AMEA akademik Ziya Bünyadov adına Şərqşünaslıq İnstitutunun kollektivi hər il görkəmli alimin məzarını ziyarət edib, xatirəsini dərin ehtiramla anır.

Hazırkı karantin rejimi ilə əlaqədar, təəssüf ki, bu dəfə A.İmanquliyavanın məzarını kollektiv şəkildə ziyarət etmək mümkün olmadı. Kollektivin adından sentyabrın 19-da Şərqşünaslıq İnstitutunun direktoru, akademik Gövhər Baxşəliyeva Aida İmanquliyevanın məzarını ziyarət edib, xatirəsini dərin ehtiramla yad edib və məzarı üzərinə əklil qoyub.

Aida xanım İmanquliyeva Azərbaycan şərqşünaslıq elminin beynəlxalq aləmdə  tanınmasında, onun şöhrətinin geniş miqyasda yayılmasında böyük  xidmətləri olan  görkəmli şərqşünas alimdir. Onun adı şərqşünaslıq, eləcə də qərbşünaslıq problemlərini Şərq-Qərb münasibətləri kontekstində tədqiqata cəlb edən, şərqşünaslığımızda yeni elmi təhlil istiqaməti müəyyənləşdirən, bu sahədə ilk dəfə müqayisəli metodun tətbiqi ilə tədqiqatların səmərə və effektivliyini artıran və ümumilikdə yeni şərqşünaslıq məktəbinin əsasını qoyan cəfakeş alim kimi Azərbaycan şərqşünaslıq elm tariximizə qızıl hərflərlə yazılmışdır.