Orientalstudies.az

slam Tarix, Sənət və Mədəniyyət Araşdırmaları Mərkəzinin direktoru dr. Halit Eren dekabrın 22-də AMEA akad. Z.M.Bünyadov adına Şərqşünaslıq İnstitutunda olub. Mərkəzi Türkiyənin İstanbul şəhərində yerləşən beynəlxalq təşkilatın rəhbəri ilk olaraq, Şərqşünaslıq İnstitutunun direktoru, millət vəkili, akademik Gövhər Baxşəliyeva və İnstitutun direktor müavini, akademik Şahin Mustafayevlə görüşüb.

AMEA akad. Z.M.Bünyadov adına Şərqşünaslıq İnstitutu 2017-ci ildə də səmərəli fəaliyyətini davam etdirib.

Bu il Azərbaycan Respublikası Prezidentinin fərman və sərəncamlarının, Azərbaycan Respublikası Nazirlər Kabinetinin qərar və normativ aktlarının, habelə dövlət proqramlarının icrası ilə əlaqədar aşağıdakılar yerinə yetirilib: SABAH qruplarında təhsil alan tələbələrin Şərqşünaslıq İnstitutunda təcrübə keçmələri təmin edilib, “Ərəb dili – Azərbaycan dili”, “Fars dili – Azərbaycan dili” danışıq kitabçalarının hazırlanması üzrə işlər görülüb, “İslam Həmrəyliyi”nə həsr edilmiş “Birlik və İnkişaf naminə sülhməramlı missiya” mövzusunda elmi konfrans keçirilib və “Din və ictimai fikir tarixi” şöbəsinin əməkdaşları “Qloballaşma dövründə Yaxın və Orta Şərq ölkələrində dinə münasibət, dinin rolu və ictimai fikir məsələləri” mövzusu ətrafında plan işi olaraq nəzərdə tutulmuş “İslam həmrəyliyi və Azərbaycan: reallıqlar və perspektivlər” mövzusunda müştərək elmi tədqiqat işini yerinə yetirib, İnstitut əməkdaşlarının elektron məkanda məqalələri yerləşdirilib, əməkdaşların beynəlxalq elektron resurslara çıxışı genişlənib, Şərqşünaslıq İnstitutunun Arxivində saxlanılan kitab və jurnalların vahid elektron kataloqu hazırlanıb və digər işlər həyata keçirilib.

Dekabrın 20-də misirli alimlər – Süveyş Kanalı Universitetinin professoru dr. Əbdülrəhim əl-Kurdi və məşhur xəttat Mustafa Məhəmməd Öməri AMEA akademik Z.M.Bünyadov adına Şərqşünaslıq İnstitutunda oldular. Azərbaycan Respublikasının Prezidenti yanında Bilik Fondunun və Misir Ərəb Respublikasının Azərbaycandakı Mədəniyyət Mərkəzinin dəstəyi ilə ölkəmizdə səfərdə olan misirli alimlər ilk olaraq Şərqşünaslıq İnstitutunun direktoru, millət vəkili, akademik Gövhər Baxşəliyeva ilə görüşdülər. Qonaqları Azərbaycandakı Misir Mədəniyyət Mərkəzinin sədri  Əhməd Sami Elaydi müşayiət edirdi.

Dekabrın 8-də AMEA akademik Ziya Bünyadov adına Şərqşünaslıq İnstitutunda xalqımızın ümummilli lideri, müasir Azərbaycanın banisi və qurucusu Heydər Əliyevin xatirə tədbiri keçirildi.

Millət vəkili, İnstitutun direktoru, akademik Gövhər Baxşəliyeva çıxışında Heydər Əliyevin Azərbaycan xalqının tarixi inkişafında müstəsna xidmətlərindən danışdı: «Heydər Əliyev Azərbaycan tarixində müstəsna rolu olan şəxsiyyətdir. Azərbaycanın tarixinin 40 ili ümummilli lider Heydər Əliyevin adı ilə bağlıdır. Ulu öndər xalqımızın tarixinə gördüyü misilsiz işlərlə böyük qurucu şəxsiyyət və xilaskar kimi düşüb. Onun həm sovetlər dövründə, həm də müstəqillik illərində Azərbaycan xalqına xidmətləri əvəzsizdir. Mən onu ən böyük azərbaycanlı, ən böyük vətənpərvər hesab edirəm».