Orientalstudies.az

Mayın 25-də AMEA akademik Z.M.Bünyadov adına Şərqşünaslıq İnstitutunda türkiyəli tanınmış alim, Hacəttəpə Universitetinin professoru Şükrü Haluk Akalınla görüş keçirilib.

Görüşdə qonağı Şərqşünaslıq İnstitutunun əməkdaşlarına təqdim edən İnstitutun elmi işlər üzrə direktor müavini, akademik Şahin Mustafayev Şükrü Haluk Akalının əvvəllər uzun müddət Türk Dil Qurumunun sədri olduğunu xatırlatdı.

Misir Ərəb Respublikasının Azərbaycanda yeni təyin olunmuş fövqəladə və səlahiyyətli səfiri Adil İbrahim Əhməd İbrahim mayın 16-da AMEA akademik Z.M.Bünyadov adına Şərqşünaslıq İnstitutunda olub. Səfir əvvəlcə Şərqşünaslıq İnstitutunun direktoru, millət vəkili, akademik  Gövhər Baxşəliyeva ilə görüşüb.

AMEA akad. Z.M.Bünyadov adına Şərqşünaslıq İnstitutu ilə Şota Rustaveli adına Batumi Dövlət Universiteti arasında anlaşma memorandumu imzalanıb. Memorandumda tərəflər arasında elm və təhsil sahələrində əməkdaslığın inkisafı, təcrübə və qaynaqların mübadiləsi, birgə elmi proqramların, araşdırmaların həyata keçirilməsi nəzərdə tutulur.

Mayın 7-də AMEA akademik Z.Bünyadov adına Şərqşünaslıq İnstitutunda Azərbaycan xalqının ümummilli lideri, ulu öndər, müasir Azərbaycanın banisi və qurucusu Heydər Əliyevin anadan olmasının 95-ci ildönümünə həsr olunmuş elmi sessiya keçirilib.

Sessiyanı giriş sözü ilə açan millət vəkili, Şərqşünaslıq İnstitutunun direktoru, akademik Gövhər Baxşəliyeva Heydər Əliyevin Azərbaycan xalqının tarixi inkişafında müstəsna xidmətlərindən danışdı: «Heydər Əliyev Azərbaycan tarixində müstəsna rolu olan şəxsiyyətdir. Azərbaycanın tarixinin 40 ili ümummilli lider Heydər Əliyevin adı ilə bağlıdır. Ulu öndər xalqımızın tarixinə gördüyü misilsiz işlərlə böyük qurucu şəxsiyyət və xilaskar kimi düşüb. Onun həm sovetlər dövründə, həm də müstəqillik illərində Azərbaycan xalqına xidmətləri əvəzsizdir. Mən onu ən böyük azərbaycanlı, ən böyük vətənpərvər hesab edirəm».