Orientalstudies.az

Noyabrın 1-də Azərbaycan Respublikasının Prezidenti Cənab İlham Əliyevin Ərəb Dövlətləri Liqasının 31-ci Sammitinə ev sahibliyi edən Əlcəzair Xalq Demokratik Respublikasının Prezidentinin dəvəti ilə Zirvə toplantısında Fəxri qonaq statusunda iştirak etməsi ilə bağlı AMEA-nın akademik Ziya Bünyadov adına Şərqşünaslıq İnstitutunun böyük elmi işçisi, fəl.ü.f.d. Elnur Mustafayev “Xalq qəzeti”nə ekspert qismində rəy bildirib.

Noyabrın 4-də Bakı Şəhər Mədəniyyət Baş İdarəsi Nərimanov rayon Mərkəzləşdirilmiş Kitabxana Sisteminin Mərkəzi Kitabxanasında “Azərbaycan Dövlət Bayrağı Gününə həsr edilmiş “Bayrağımız – kimliyimiz, mənliyimiz və qürur mənbəyimizdir” adlı tədbir keçirilib.

Tədbirdə AMEA-nın Şərqşünaslıq İnstitutunun aparıcı elmi işçisi, tarix üzrə fəlsəfə doktoru, dosent Sübhan Talıblı, 178, 39 və 193 nömrəli tam orta məktəbin şagirdləri, kitabxananın əməkdaşları və fəal oxucular iştirak ediblər.

Noyabrın 2-də AMEA-nın akad. Z.M.Bünyadov adına Şərqşünaslıq İnstitutunda “Çoxəsrlik tariximizin şanlı Zəfər Günü” adlı elmi sessiya keçirilib.

Tədbirdən öncə institutun kollektivi İkinci Fəxri xiyabana gələrək, 44 günlük Vətən müharibəsi zamanı ölkəmizin ərazi bütövlüyünün təmin edilməsi uğrunda canlarından keçərək müqəddəs şəhidlik zirvəsinə ucalan qəhrəmanlarımızın məzarını ziyarət edib. Şərqşünas alimlər Zəfər Günü ərəfəsində şəhidlərimizin əziz xatirəsini dərin ehtiramla anaraq, məzarları üzərinə gül dəstələri düzüblər.

Noyabrın 2-də AMEA-nın akad. Z.M.Bünyadov adına Şərqşünaslıq İnstitutunda “Çoxəsrlik tariximizin şanlı Zəfər Günü” adlı elmi sessiya keçiriləcək. İnstitutun akt zalında təşkil ediləcək elmi sessiya öz işinə saat 14:00-da başlayacaq.