Orientalstudies.az

Dekabrın 17-də AMEA-nın akademik Z.M.Bünyadov adına Şərqşünaslıq İnstitutunun direktoru akademik G.B.Baxşəliyevanın sədrliyi və Təhsil şöbəsinin müdiri f.e.d., dosent L.M.Bayramovanın təşkilatçılığı və komissiya üzvlərinin iştirakı ilə “Dünya ədəbiyyatı (ərəb ədəbiyyatı)”, “ Türk xalqları ədəbiyyatı” ixtisasları üzrə minimum imtahanlar keçirilib.

AMEA-nın akademik Ziya Bünyadov adına Şərqşünaslıq İnstitutunda “Страны Центральной  Азии: история, общество и культура” (Mərkəzi Asiya ölkələri: tarix, cəmiyyət və mədəniyyət) adlı məqalələr toplusu işıq üzü görüb.

Şərqşünaslıq İnstitutunun Mərkəzi Asiya ölkələri şöbəsində hazırlanan toplunun elmi redaktoru və layihənin rəhbəri şöbənin müdiri, filologiya elmləri doktoru, professor Lalə Əhmədovadır.

AMEA-nın akademik Ziya Bünyadov adına Şərqşünaslıq İnstitutunda xalq şairi Bəxtiyar Vahabzadənin 100 illik yubileyinə həsr olunmuş “Vətəndən Vətənə məktublar” adlı kitab çap olunub. Kitabın tərtibçisi, müqəddimənin və transliterasiyaların müəllifi institutun aparıcı elmi işçisi filologiya üzrə fəlsəfə doktoru, dosent Rəna Rzayevadır. Elmi məsləhətçi akademik Gövhər Baxşəliyevadır.

Türkiyənin Qafqaz Universitetinin Harakani Tədqiqat Mərkəzinin müdiri, doktor, dosent Alparslan Kartal dekabrın 16-da AMEA-nın akademik Ziya Bünyadov adına Şərqşünaslıq İnstitutunda olub. A.Kartal AMEA-nın vitse-prezidenti, Şərqşünaslıq İnstitutunun direktoru, akademik Gövhər Baxşəliyeva ilə görüşüb.