Orientalstudies.az

AMEA-nın akademik Ziya Bünyadov adına Şərqşünaslıq İnstitutunun İran tarixi və iqtisadiyyatı şöbəsinin elmi işçisi Şahin Yəhyayevin “Səfəvilərin hakimiyyəti dövrünün (1501-1736) fəqih, filosof, şair, yazıçı və xəttatları” kitabı çapdan çıxıb.

Səudiyyə Ərəbistanından olan yazıçı Əhməd Tabeici sentyabrın 30-da AMEA-nın akademik Ziya Bünyadov adına Şərqşünaslıq İnstitutunda olub.

İslam memarlığı İslam dünyasında formalaşmış, kökləri İslam təfəkkürü və dünyagörüşünə əsaslanan tikib yaratma tərzi kimi səciyyələndirilir. Tədqiqatçılar onu müsəlmanların ibadət və mənəvi ehtiyaclarına verilən cavab kimi qiymətləndirirlər. Bu memarlıq nümunələri dini prinsiplərə sadiq qalmaqla yanaşı, tağlar, günbəzlər, minarələr və mehrablar kimi elementlər vasitəsilə özünəməxsus bir kimlik, bir mahiyyət qazanmışdır. Tarixçilərə görə İslam memarlığı İslam təfəkkürü ilə uzlaşan və müsəlmanlar arasında qəbul olunmağa nail olan ilk sənət növüdür. Məscid, mədrəsə, xanəgah və s. dini tikililərlə yanaşı bu memarlıq dəqiq mühəndislik hesablamalarına əsaslanan eyvanları, hündür sütunları, diqqəti cəlb edən bəzəklərə malik müxtəlif digər tikililəri də özünə şamil edir.

Sentyabrın 28-də AMEA-nın akademik Ziya Bünyadov adına Şərqşünaslıq İnstitutunda görkəmli Azərbaycan memarı Əcəmi Naxçıvaninin 900 illik yubileyinə həsr olunmuş “Şərq memarlıq ənənələri və Əcəmi Naxçıvani” mövzusunda elmi sessiya keçirilib.