Orientalstudies.az

AMEA-nın akademik Ziya Bünyadov adına Şərqşünaslıq İnstitutunda Xuraman Əliyevanın “Aida İmanquliyeva ərəb məhcər ədəbiyyatının tədqiqatçısı kimi” adlı kitabı çapdan çıxıb.

Professor Aida İmanquliyeva yeni və müasir ərəb ədəbiyyatının ən nüfuzlu, ən fundamental tədqiqatçılarından biri kimi şərqşünaslıq tarixinə əbədi daxil olmuş azsaylı mütəxəssislərdəndir. Görkəmli şərqşünas alimin yeni ərəb məhcər ədəbiyyatına, bu ədəbiyyatın Cübran Xəlil Cübran, Mixail Nuaymə, İlya Əbu Madi kimi görkəmli nümayəndələrinin həyat və yaradıcılığına həsr etdiyi tədqiqatlar öz orijinallığını, zənginliyini, nəzəri dərinliyini, konseptuallığını daim qoruyub saxlayan əsərlərdir. Təqdim edilən kitabda da Xuraman Əliyeva görkəmli alim Aida İmanquliyevanın elmi yaradıcılığını məhz bu əsas istiqaməti yönündə nəzərdən keçirib.

AMEA-nın akad. Z.M. Bünyadov adına Şərqşünaslıq İnstitutunun İran filologiyası şöbəsinin elmi işçisi Fidan Nəsirova Ankarada Tokat Gaziosmanpaşa Universiteti, Ankara Universiteti, Türkiyə Statistika Qurumu, Türk Statistika Dərnəyi, Budapeşt Texnoloji və İqtisadiyyat Universiteti, Vilnius Gediminas Texnik Universiteti və Səlcuk Universitetinin birgə təşkilatçılığı ilə baş tutan nüfuzlu “VI Beynəlxalq Tətbiqi Statistika Konfransı”nda onlayn iştirak edib.

AMEA-nın akademik Ziya Bünyadov adına Şərqşünaslıq İnstitutunun Şərqşünaslığın tarixi və nəzəriyyəsi şöbəsinin əməkdaşı Aynurə Məmmədova Qazaxıstanın Miras Universitetində keçirilən “HIGH School Science 2025” Beynəlxalq Elmi Praktik Konfransda “Mədəniyyət mənbələri: Şərq ölkələrində incəsənət, ənənə bə dəyərlər” mövzusunda məruzə edib.

Mayın 19-da AMEA-nın akademik Ziya Bünyadov adına Şərqşünaslıq İnstitutunda görkəmli görkəmli alim və ictimai xadim doktor Cavad Heyətin 100 illiyi ilə əlaqədar "Cavad Heyət - Cənubi azərbaycanlıların mədəni-mənəvi varlığının təcəssümü kimi" mövzusunda elmi sessiya keçirilib.