Orientalstudies.az

AMEA-nın akademik Ziya Bünyadov adına Şərqşünaslıq İnstitutunun İran filologiyası şöbəsinin elmi işçisi Fidan Nəsirova 24-25 oktyabrda Uşaq və Gənclər Ədəbiyyatı Yazıçıları Assosasiası, Qaziantep Uşaq və Gənc Ədəbiyyat Yazarları Dərnəyi, Qaziantep Valiliyi, Böyükşəhər Bələdiyyəsi, Qaziantep Universiteti, Qaziantep İslam Elm və Texnologiya Universiteti, Qaziantep Milli Təhsil Müdirliyi, UNESCO-nun Təhsil, Elm və Mədəniyyət Komissiyasının birgə təşkilatçılığı ilə  keçirilən “XII Beynəlxalq uşaq və gənclər ədəbiyyatı simpoziumu”nda iştirak edib.

Oktyabrın 24-də AMEA-nın akademik Ziya Bünyadov adına Şərqşünaslıq İnstitutunda baş elmi işçi, tarix üzrə elmlər doktoru, profesor Solmaz Rüstəmova-Tohidi yeni arxiv materialları əsasında böyük Azərbaycan bəstəkarı Üzeyir Hacıbəyli haqqında mühazirə oxuyub.

AMEA-nın akademik Ziya Bünyadov adına Şərqşünaslıq İnstitutunun Din və ictimai fikir şöbəsinin müdiri, fəlsəfə üzrə fəlsəfə doktoru, dosent Elnur Mustafayevin "İraq-türkman dilinin qrammatikası (Azərbaycan dili əsasında)" adlı kitabı işıq üzü görüb.

Kitab həm Azərbaycan dilində, həm də ərəb dilində ayrı-ayrı cildlər şəklində Bakı və Bağdad şəhərlərində nəşr olunub.

Oktyabrın 15-də AMEA-nın akademik Ziya Bünyadov adına Şərqşünaslıq İnstitutunda görkəmli siyasi və dövlət xadimi Fətəli xan Xoyskinin 150 illiyinə həsr olunmuş "Azərbaycanın istiqlal mücahidi" mövzusunda  elmi sessiya keçirilib.