Orientalstudies.az

Polşanın Varşava Universitetinin Asiya və Afrika mədəniyyətləri fakültəsinin dekanı, professor Aqata Bereja Starjinska və həmin fakültənin Azərbaycan Araşdırmaları Mərkəzinin müdiri, filologiya üzrə fəlsəfə doktoru Şəhla Kazımova martın 16-da AMEA-nın akademik Z.M.Bünyadov adına Şərqşünaslıq İnstitutunda olublar. Aqata Bereja Starjinska və  Şəhla Kazımova AMEA-nın vitse-prezidenti vəzifəsini icra edən, Şərqşünaslıq İnstitutunun direktoru akademik Gövhər Baxşəliyeva ilə görüşüblər.

16-17 mart 2026-cı il tarixdə  AMEA-da Azərbaycanın tanınmış hərbi, siyasi və dövlət xadimi, Polşanın görkəmli şərqşünas alimi Sadıq bəy Ağabəyzadənin 160 illik yubileyinə həsr olunmuş “Sadıq bəy Ağabəyzadə – XX əsr Şərqşünaslıq elminin görkəmli nümayəndəsi kimi” mövzusunda beynəlxalq elmi konfrans keçirilib.

AMEA-nın akademik Ziya Bünyadov adına Şərqşünaslıq İnstitutunun Şərqşünaslığın tarixi və nəzəriyyəsi şöbəsinin əməkdaşı Aynurə Məmmədovanın “Ulusal Kimlik ve Modern Vizyon: 2026 Şehir Planlama ve Mimarlık Yılı” (“Milli kimlik və müasir baxış: 2026 Şəhərsalma və Memarlıq İli”) adlı məqaləsi Türkiyədə “Kültürel Azərbaycan” mədəniyyət, sosial və iqtisadi aylıq e-dərgisinin mart sayında dərc olunub.

Hər bir cəmiyyətdə demokratik sivilizasiyanın əsas göstəricisi qadının bu cəmiyyətdəki mövqeyi ilə ölçülür. Qadın, adətən zərif cins kimi qəbul edilir. Lakin öz enerjisindən istifadə etməyi bacaran qadınlar həmişə böyük gücə sahib olublar. Odur ki, tarixdə qadınların rolu danılmazdır. Azərbaycan tarixində də dərin iz qoyan qadınların sayı kifayət qədər çoxdur. Elə günümüzdə də belə qadınlarla rastlaşırıq. Belə tükənməz enerjili Azərbaycan qadınlarından biri də Azərbaycan Dövlət Universitetinin (indiki BDU) məzunu, vətənpərvər, gözəl ailə başçısı, böyük ictimaiyyətçi, filoloq, tərcüməçi, nəhayət, sevimli pedaqoq Əsmətxanım Bəyəhməd qızı Məmmədovadır.