Orientalstudies.az

Azərbaycan ilə Özbəkistan arasında dostluq və qardaşlıq münasibətləri elm və təhsil sahəsində əməkdaşlığın inkişafı üçün də geniş imkanlar yaradıb. İki ölkənin elmi müəssisələri arasında qarşılıqlı əlaqələrin möhkəmləndirilməsində AMEA-nın akademik Ziya Bünyadov adına Şərqşünaslıq İnstitutunun da mühüm rolu var.

AMEA-nın akademik Ziya Bünyadov adına Şərqşünaslıq İnstitutunun “Şərq araşdırmaları” elmi-nəzəri jurnalının növbəti nömrəsi işıq üzü görüb. Jurnalda ədəbiyyat, fəlsəfə, tarix, etnoqrafiya və siyasi elmlər sahələrinə aid elmi məqalələr dərc olunub.

AMEA-nın akademik Ziya Bünyadov adına Şərqşünaslıq İnstitutunun direktor müavini, fəlsəfə üzrə fəlsəfə doktoru, dosent Elnur Mustafayev iyulun 31-də Dini Qurumlarla İş üzrə Dövlət Komitəsinin təşkilatçılığı ilə Şəmkir şəhərində keçirilən “Gənclər arasında dini maarifçilik: ənənəvi dəyərlər və rəqəmsal platformalar” mövzusunda keçirilən regional konfransda "Sosial medianın gənclərin mənəvi dünyagörüşünə təsirləri: təhdidlər və imkanlar" adlı məruzə ilə çıxış edib.

AMEA-nın akademik Ziya Bünyadov adına Şərqşünaslıq İnstitutunun Şərq-Qərb şöbəsinin əməkdaşı Elvin Sultanovun "Azərbaycan Xalq Cümhuriyyəti öz dövrünün Misir mətbuatında" adlı məqaləsi Misirin "əl-Əxbār əl-Məsāʾī" və "əl-ʿAləm əl-ʿArabī", həmçinin Əlcəzairin "Tarīq əl-Harīr" mətbu orqanlarının saytlarında dərc olunub.