Orientalstudies.az

Mayın 27-də AMEA-nın akademik Ziya Bünyadov adına Şərqşünaslıq İnstitutunda 28 May – Müstəqillik Gününə həsr olunmuş elmi sessiya keçirilib.

Tədbiri giriş sözü ilə açan AMEA-nın vitse-prezidenti v.i.e., Şərqşünaslıq İnstitutunun baş direktoru, akademik Gövhər Baxşəliyeva 1918-ci il mayın 28-də yaradılan Şərqin ilk demokratik respublikasının - Azərbaycan Xalq Cümhuriyyətinin tarixi əhəmiyyətindən, gərgin və mürəkkəb ictimai-siyasi şəraitdə cəmi 23 aylıq fəaliyyəti dövründə qazandığı uğurlardan danışıb.

Azərbaycan Respublikasının Polşadakı səfiri Nərgiz Qurbanova iyunun 1-də AMEA-nın akademik Ziya Bünyadov adına Şərqşünaslıq İnstitutunda olub. Səfir AMEA-nın vitse-prezidenti v.i.e., Şərqşünaslıq İnstitutunun baş direktoru, akademik Gövhər Baxşəliyeva ilə görüşüb. Görüşdə AMEA-nın Tarix İnstitutunun baş direktoru, tarix elmləri doktoru, professor Kərim Şükürov iştirak edirdi.

AMEA-nın akademik Z.Bünyadov adına Şərqşünaslıq İnstitutunun Şərqşünaslıq elminin tarixi və nəzəriyyəsi şöbəsinin kiçik elmi işçisi Aynurə Məmmədova mayın 29-da Türkiyənin Əskişəhir şəhərində keçirilmiş "Şuşa: Zəfərin təntənəsi" adlı XXVI Beynəlxalq elmi konfransda onlayn formatda iştirak edib. Şərqşünas alim konfransda "Qarabağda vandalizmə məruz qalmış tarixi abidələrimiz" mövzusunda məruzə ilə çıxış edib. O, məruzəsində Qarabagda erməni vandalları tərəfindən dağıdılan dini tarixi abidələr, məscidlər, mədəniyyət ocaqları haqqında geniş məlumat verib və onların yenidən təmir və bərpası ilə bağlı görülən işlərdən bəhs edib.

Moskvada Lomonosov adına Moskva Dövlət Universitetində “Polisentrik dünyada fəlsəfə” adı altında VIII Rusiya Fəlsəfə Qurultayı keçirilib.

Qurultayın təşkilatçıları Rusiya Fəlsəfə Cəmiyyəti, Lomonosov adına Moskva Dövlət Universiteti, Rusiya Elmlər Akademiyasının Fəlsəfə İnstitutudur.