Orientalstudies.az

AMEA-nın akademik Ziya Bünyadov adına Şərqşünaslıq İnstitutunun Türkiyə tarixi və iqtisadiyyatı şöbəsinin aparıcı elmi işçisi, tarix üzrə fəlsəfə doktoru Yaxşıxanım Nəsirova noyabrın 23-24-də Türkiyənin Ədirnə şəhərində Trakya Universitetinin təşkil etdiyi III Beynəlxalq Osmanlı İzləri Simpoziumunda iştirak edib. Şərqşünas alim onlayn qatıldığı simpoziumda “Osmanlı dövlətinə göndərilmiş bir hədiyyə: Kəşfü'l Həqayiq" kitabı” adlı məruzə ilə çıxış edib.

Məruzədə məşhur xeyriyyəçi Hacı Zeynalabdin Tağıyevin təşəbbüsü ilə müqəddəs kitabımız Quran-i Kərimin Azərbaycan türkcəsində təfsirinin 3 cildlik nəşrinin Osmanlı sultanı II Əbdülhəmid xana göndərilməsini əks etdirən Osmanlı arxiv sənədlərindən bəhs olunub. Məruzəçi bu məlumatların 4 sənəddə qeyd olunduğunu bildirib, bəzi hissələrin tərcüməsini göstərib və H.Z.Tağiyevin xeyriyyəçilk fəaliyyəti haqqında geniş məlumat verib.

Bu günlərdə “Elm” nəşriyyatı tərəfindən Ümummilli Lider, Müstəqil Azərbaycanın banisi və memarı, Böyük Öndərimiz Heydər Əliyevin əziz xatirəsinə həsr olunmuş daha bir kitab – akademik Gövhər Baxşəliyevanın “Unudulmaz Lider” kitabı işıq üzü görmüşdür. “Heydər Əliyev İli” çərçivəsində nəşr olunan kitabda Ulu Öndərin çoxşaxəli, yorulmaz və zəngin fəaliyyəti, Azərbaycana və xalqımıza fədakarcasına xidməti əks edilmişdir.

Kitabda Ulu Öndərin şəxsiyyəti və titanik fəaliyyətinə aid məsələlər o hadisələrin canlı şahidi olan müəllifin çoxsaylı məqalələrində, müsahibələrində və xatirələrində əksini tapmışdır. Burada Ümummilli Liderin fəaliyyətinin müxtəlif dövrləri barədə fikirlər yer almışdır.

İki əsrdir ki, Azərbaycan çirkin məqsədlərlə ona qonşu edilən və böyük güclərin hərtərəfli dəstəyini alan erməni millətçilərinin cinayətlərinə məruz qalır. Bu dövrdə ermənilər müxtəlif vaxtlarda Azərbaycanın qərb bölgələrinə yerləşdirilərək, xalqımıza qarşı kütləvi qırğınlar, soyqırımı, etnik təmizləmə törətməklə tarixi torpaqlarımızda özlərinə dövlət qurdular, bu dövlətin ərazisini genişləndirdilər və bu əməllərini davam etdirməklə “qondarma dənizdən-dənizə” iddialarının davamı kimi 35 il öncə məkrli planlarının yeni mərhələsinə addımlarını atdılar. Bu mərhələdə Qarabağ bölgəmizdə təcavüzkar planlarını həyata keçirən düşmənlərimizin torpaqlarımızın 20 faizini işğal etmələrinə, on minlərlə insanı, onların sırasında yüzlərlə uşağı, qadını, qocanı qətlə yetirmələrinə, minlərlə insanı əsir götürmələrinə, bir milyondan çox vətəndaşımızı öz ölkələrində köçkün vəziyyətinə salmalarına baxmayaraq, bütün bu cinayətləri - soyqırımı, etnik təmizləmə, deportasiyaları öz çirkin planlarında istifadə edən böyük dövlətlərin insanlıq baxımından cılız siyasətçiləri hər şeyi görməzdən gəlməklə yetinməyərək, əksinə cinayətkarlara, terrorçulara hər cürə - hərbi, maliyyə, siyasi, informasiya dəstəklərini əsirgəmədilər.

AMEA-nın akademik Ziya Bünyadov adına Şərqşünaslıq İnstitutunun aparıcı elmi işçisi, filologiya üzrə fəlsəfə doktoru, dosent Aygün Əlizadə noyabrın 19-da Pakistanın Kvetta şəhərində keçirilən “İran və Pakistanın mədəni inteqrasiyasında İqbal Lahuri şeirlərinin təsiri” mövzusunda beynəlxalq elmi konfransda onlayn iştirak edib.

Pakistanın İqbal Akademiyası, Pakistan Fars Dili Akademiyası, Əlhəmd İslam Universiteti və İran Mədəniyyət Mərkəzinin təşkil etdiyi konfransda azərbaycanlı şərqşünas alim Mövlana Cəlaləddin Ruminin İqbal Lahuri yaradıcılığına təsiri haqqında məruzə edib. İqbal Lahurinin öz əsərlərində Movlanaya müraciətlərindən danışan məruzəçi onun Rumini öz mürşidi saydığını qeyd edib. A.Əlizadə İqbal Lahurinin əsərlərinin adlarının da irfani mənbədən qaynaqlandığını bildirib. Məruzəçi həmçinin İqbal Lahurinin urdu dilində yazdığı "Bal-e Cəbrail" əsəri ilə Söhrəvərdinin "Avaz-e pər-e Cəbrail" əsərlərinin oxşar cəhətlərindən bəhs edib.