Orientalstudies.az

Milli Məclisin deputatı, Azərbaycan parlamentinin İslam Əməkdaşlığı  Təşkilatının Parlament İttifaqında
 (İƏT Pİ) nümayəndə heyətinin rəhbəri, AMEA akademik Z.Bünyadov adına Şərqşünaslıq İnstitutunun direktoru,
 akademik Gövhər Baxşəliyeva oktyabrın 7-8-də  İran İslam Respublikasının paytaxtı Tehranda keçirilən İƏT Pİ 
İcraiyyə Komitəsinin 38-ci iclasında iştirak edib.
Tədbirdə ilk olaraq büro üzvləri seçilib, katibliyin hesabatı dinlənilib, İƏT Pİ-nin qəbul etdiyi qətnamələrin yerinə
 yetirilməsi ilə bağlı atılacaq addımlar müzakirə edilib. Daha sonra 4 ixtisaslaşmış komitənin yığıncaqlarının
 gündəlik layihələri tərtib edilib, yardımçı orqanların növbəti yığıncaqlarının gündəlikləri qəbul edilib.

AMEA akademik Ziya Bünyadov adına Şərqşünaslıq İnstitutunun böyük elmi işçisi, filologiya üzrə fəlsəfə doktoru Günay Verdiyevanın rus dilində «Роль арабских масдаров в словообразовании персидского языка (“Fars dilinin sözyaradıcılığında ərəb məsdərlərinin rolu”) kitabı işıq üzü görüb.

AMEA akademik Ziya Bünyadov adına Şərqşünaslıq İnstitutunun kollektivi oktyabrın 10-da görkəmli şərqşünas alim, filologiya elmləri doktoru, professor Aida İmanquliyevanın xatirəsini anıb.

İnstitut əməkdaşları görkəmli alimin anadan olmasının 78-ci ildönümündə ilk olaraq İkinci Fəxri xiyabanda Aida İmanquliyevanın məzarını ziyarət edib, əklil qoydular.

AMEA akademik Ziya Bünyadov adına Şərqşünaslıq İnstitutunda “Urmu dünyanı yandıran müharibədə” kitabı işıq üzü görüb. Kitabda I Dünya müharibəsi ərzində və ondan sonrakı bir neçə ildə Urmuda baş vermiş fəlakətdən söhbət açılır.