Orientalstudies.az

Oktyabrın 8-də AMEA-nın akademik Ziya Bünyadov adına Şərqşünaslıq İnstitutunda dahi Azərbaycan şairi və mütəfəkkiri Nizami Gəncəvinin anadan olmasının 880 illiyinə həsr olunmuş “Nizami Gəncəvi və Şərq ədəbiyyatları: ədəbi təsirin hüdudları” mövzusunda beynəlxalq elmi konfrans keçirilƏCƏK. Konfransa Azərbaycan, Misir, Küveyt, Özbəkistan, İordaniya, Pakistan və İraqdan alimlər qatılıbacaqlar.

Konfransın açılışı AMEA-nın əsas binasındakı kiçik akt zalında saat 10:30da olacaq. Konfrans öz işini saat 14:00-da bölmələrdə davam etdirəcək.

AMEA-nın akademik Ziya Bünyadov adına Şərqşünaslıq İnstitutunun Cənubi Azərbaycan şöbəsinin aparıcı elmi işçisi, tarix üzrə fəlsəfə doktoru, dosent Sübhan Talıblının “Şeyx Məhəmməd Xiyabani hərəkatının müasir Azərbaycan və İran tarixşünaslığı və elmi ədəbiyyatında öyrənilməsi” adlı məqaləsi İranda “Varlıq” jurnalında dərc olunub.

Məqalədə Azərbaycanın azadlıq, müstəqillik və dövlətçilik tarixində yer tutmuş şəxsiyyətlərdən Şeyx Məhəmməd Xiyabaniylə bağlı tədqiqatlardan bəhs edilir. Məqalə müəlifi İran tarixşünaslığından Ə.Kəsrəvinin, T.Atabəkinin, Z.Qiyaminin, H.Məkkinin, B.Kavənin və s. əsərlərində, eləcə də İran mətbuatında “Nəvide Azərbaycan”, “Şəmse Təbriz”, “Azərbaycanın səsi”, “Əxtər” kimi qəzetlər, “Varlıq”, “Tribun”, “Xudafərin”, “Azərbaycanın günəşi”, “Yol” və s. dərgilərdə Xiyabani şəxsiyyəti və onun başçılıq etdiyi hərəkat haqqında çoxsaylı yazıları araşdırıb.

AMEA-nın akademik Z.Bünyadov adına Şərqşünaslıq İnstitutunun Ərəb filologiyası şöbəsinin aparıcı elmi işçisi, filologiya üzrə fəlsəfə doktoru, dosent Xumar Ələkbərova 3-5 oktyabr tarixlərində Amerika Birləşmiş Ştatlarında keçirilən V Beynəlxalq Nyu-York disiplinlər arası araşdırmalar və təcrübədə tendensiyaların inkişafı konfransında iştirak edib.

Konfransın işinə ZOOM proqramı vasitəsilə qatılan şərqşünas “Bruklin yüksəklikləri”ndə mühacir həyatı” mövzusunda məruzə ilə çıxış edib.

Məruzədə müasir ərəb ədəbiyyatında “mühacirlər mövzusu”na toxunulub və müxtəlif səbəblərdən ABŞ-a köçən ərəblərin timsalında mühacir həyatı ilə bağlı reallıqlar məşhur misirli yazıçı Miral Ət-Tahavinin “Bruklin yüksəklilkləri” əsəri əsasında diqqətə çatdırılıb.

Sentyabrın 28-də AMEA-nın akademik Ziya Bünyadov adına Şərqşünaslıq İnstitutunun Elmi Şurasının iclası keçirilib.

İclasa sədrlik edən İnstitutun direktoru, akademik Gövhər Baxşəliyeva gündəlikdə olan ilk məsələnin “Azərbaycan Respublikasında 2022-2030-cu illərdə elmin dayanıqlı inkişafı üzrə Milli Strategiya”nın hazırlanması üçün təqdim olunan təkliflərin müzakirəsinin olduğunu bildirib. İclasda Şərqşünaslıq elminin inkişaf strategiyası müzakirə edilib.