Orientalstudies.az

AMEA-nın akademik Ziya Bünyadov adına Şərqşünaslıq İnstitutunun Mərkəzi Asiya ölkələri şöbəsinin müdiri, iqtisadiyyat elmləri doktoru Dünyamalı Vəliyev uzunmüddətli səmərəli elmi fəaliyyətinə görə Şərqşünaslıq İnstitutunun Fəxri Fərmanı ilə təltif edilib.

AMEA-nın akademik Ziya Bünyadov adına Şərqşünaslıq İnstitutunun elmi işçisi, bu elmi müəssisədə fəaliyyət göstərən Ziya Bünyadov kabinetinin rəhbəri Zemfira Qurbanova institutun ictimai həyatında səmərəli fəaliyyətinə görə Şərqşünaslıq İnstitutunun Fəxri Fərmanı ilə təltif edilib.

Ziya Bünyadovun respublikamızda tarix elminin yeni mərhələyə yüksəldilməsində misilsiz xidmətləri olub. Azərbaycan tarixinin müxtəlif dövrlərinə dair uzun illər ərzində meydana gətirdiyi fundamental tədqiqatlar, eləcə də orta əsrlərə aid çox sayda mənbələrin tərcüməsi ilə yanaşı, onlara yazdığı geniş şərhlər alimə böyük şöhrət qazandırıb. Azərbaycanda yeni ərəbşünas tarixçilər nəslinin formalaşmasında onun fəaliyyəti təqdirəlayiqdir. Vətənini həmişə azad, firavan görmək istəyən tarixçi şübhəsiz ki, Azərbaycanın müstəqilliyi uğrunda mübarizə aparan öncüllərdən biri idi.