Orientalstudies.az

Mayın 18-də AMEA-nın akademik Ziya Bünyadov adına Şərqşünaslıq İnstitutunda “Azərbaycanın qədim mədəniyyət mərkəzi Şuşa” mövzusunda elmi konfrans keçirilib.

 AMEA-nın əsas binasının II mərtəbəsindəki akt zalında baş tutan konfransı giriş sözü ilə açan AMEA-nın vitse-prezidenti v.i.e., Şərqşünaslıq İnstitutunun baş direktoru, akademik Gövhər Baxşəliyeva bildirib ki, Azərbaycanın tarixi-mədəni, ictimai-siyasi həyatının mühüm mərkəzlərindən biri olan Şuşa şəhəri 28 illik işğaldan sonra 2020-ci ilin 8 noyabrında Ali Baş Komandan cənab İlham Əliyevin rəhbərliyi altında rəşadətli Azərbaycan ordusu tərəfindən azad edildikdən dərhal sonra şəhərdə infrastrukturun qurulmasına, tarix və mədəniyyət abidələrinin bərpasına, Şuşanın əsl tarixi simasının bərpası yönündə nəhəng layihələrin həyata keçirməsinə başlanıldı.

Qazaxıstanın R.B.Süleymenov adına Şərqşünaslıq İnstitutunun elmi işlər üzrə direktor müavini, iqtisadiyyat elmləri doktoru, dosent Duysen Qalımjan və baş elmi işçisi, iqtisadiyyat elmləri doktoru, dosent Dina Aytjanova mayın 11-də AMEA-nın akad. Z.M.Bünyadov adına Şərqşünaslıq İnstitutunda olublar.

AMEA-nın akademik Ziya Bünyadov adına Şərqşünaslıq İnstitutunun altı əməkdaşı mayın 16-18-də Türkiyənin Karabük Universiteti, Qazaxıstanın Əhməd Yəsəvi Universiteti, Özbəkistan Dövlət Şərqşünaslıq Universiteti və Bakı Dövlət Universitetinin birgə təşkilatçılığı ilə onlayn formatda keçirilən "Axtarışlar və istiqamətlər" adlı 1-ci Beynəlxalq Türkoloji Konqresdə iştirak edib.

AMEA-nın akad. Z.M.Bünyadov adına Şərqşünaslıq İnstitutunda  "Beynəlxalq münasibətlər"-  5901.01 ixtisası üzrə minimum ixtisas imtahanı keçirilib.