Orientalstudies.az

AMEA-nın akademik Şərqşünaslıq İnstitutunun aparıcı elmi işçisi, tarix üzrə fəlsəfə doktoru, dosent Sübhan Talıblı, Heydər Əliyevin Azərbaycan 14 iyul 1969-cu il tarixdə  KP MK I Katibi seçilməsi ilə əlaqədar olaraq, Neftçala rayon Heydər Əliyev Mərkəzinin qonağı olub.

“Ulu Öndər:idarəetmədən dövlətçiliyə” adlı tədbirdə Sübhan Talıblı “Heydər Əliyev və Azərbaycanın Milli Dövlətçilik Konsepsiyası” adlı məruzə ilə çıxış edib. Sonra qonaq iştirakçıların suallarını cavablandırıb. Tədbirin sonunda Mərkəzin direktoru Könül Məmmədova, ölkəmizin çoxəsrlik dövlətçilik tarixində müstəsna yeri olan Heydər Əliyevin 1969-1982-ci illərdəki fəaliyyətini ətraflı, müfəssəl şəkildə izah etdiyi üçün Subhan Talıblıya “Təşəkkürnamə” təqdim edib.

AMEA akademik Z.Bwnyadov adına Şərqşünaslıq İnstitutunun Beynəlxalq əlaqələr şöbəsinin müdiri, t.ü.f.d. Gülər Qafqazlı Rusiyanın Tarix, İqtisadiyyat və Hüquq Elmi-Tədqiqat İnstitutunun təşkil etdiyi “Yaxın Şərq və Qafqaz” XXI əsrin geosiyasətində” mövzusunda dəyirmi masada iştirak edib.

Onlayn şəkildə keçirilən tədbirə Azərbaycan, Rusiya, Türkiyə və Almaniyadan alimlər qatılıb.

Gülər Qafqazlı seminarda Türkiyənin Qafqazda mövqeyindən və Zəngəzur dəhlizindən danışıb.

İyulun 16-da AMEA Z.Bünyadov adına Şərqşünaslıq İnstitutu və  Mehmet Akif Ərsoy Vəqfinin birgə təşkilatçılığı ilə Beynəlxalq Yunus Əmrə Simpoziumu keçiriləcək.

Onlayn şəkildə ZOOM vasitəsilə təşkil edilən Simpozium öz işinə saat 11:00da başlayacaq.

Simpoziumda iştiraka aşağıdakı link vasitəsilə qatılmaq olar:

AMEA-nın akademik Z.Bünyadov adına Şərqşünaslıq İnstitutunun Ərəb filologiyası şöbəsinin aparıcı elmi işçisi, filologiya üzrə fəlsəfə doktoru, dosent Xumar Ələkbərova iyulun 9-11-də keçirilən VI Beynəlxalq Paris Sosial Elmlər Konfransında iştirak edib.

Konfransın işinə ZOOM proqramı vasitəsilə qatılan şərqşünas “XX əsrin sonu-XXI əsrin əvəllərində Misirin ictimai-siyasi mənzərəsinin yeni dövr ədəbiyyatında inikası” mövzusunda məruzə ilə çıxış edib. Məruzədə XX əsrin sonu-XXI əsrin əvvəllərində Misirin ictimai-siyasi həyatında baş verən tarixi hadisələrin fonunda cəmiyyətdə yaşanan reallıqların həmin dövr ədəbiyyatında inikası istiqamətində aparılmış maraqlı təhlil və nəticələr səsləndirilib. Eləcə də müasir Misir ədəbiyyatında yaranan yeni tendensiyalar diqqətə çatdırılıb.