Orientalstudies.az

Noyabrın 3-də AMEA-nın akad. Z.M.Bünyadov adına Şərqşünaslıq İnstitutunda Zəfər Gününə həsr olunmuş tədbir keçirilib.

Tədbirin əvvəlində Qarabağ müharibəsi şəhidlərinin ruhu 1 dəqiqəlik sükutla yad edilib.

AMEA-nın akad. Z.M.Bünyadov adına Şərqşünaslıq İnstitutunda fəlsəfə və elmlər doktorluğu üzrə təhsil alan doktorant və dissertantlar üçün mühazirələrə başlanılıb.

İlk mühazirə noyabrın 1-də baş tutub. Mühazirədən öncə Şərqşünaslıq İnstitutunun icraçı direktoru, filologiya üzrə fəlsəfə doktoru, dosent Ruhəngiz Cümşüdlü institutda doktorant və dissertantlara mühazirələrə start verildiyini bildirərək, bu mühazirələrin məqsədini açıqlayıb və sözü ilk mühazirəni söyləmək üçün institutun Türkiyə tarixi və iqtisadiyyatı şöbəsinin müdiri, tarix üzrə fəlsəfə doktoru Namiq Məmmədova verib.

İraq Mədəniyyət Nazirliyinin nəzdindəki Türkmən Mədəniyyət Mərkəzinin sədri doktor Sabah Abdullah Kərküklü noyabrın 1-də AMEA-nın akad. Z.M.Bünyadov adına Şərqşünaslıq İnstitutunda olub.

Sabah Kərküklü AMEA-nın vitse-prezidenti vəzifəsini icra edən, Şərqşünaslıq İnstitutunun baş direktoru akademik Gövhər Baxşəliyeva ilə görüşüb. Akademik G.Baxşəliyeva qonağa Şərqşünaslıq İnstitutunda aparılan tədqiqatlar barədə məlumat verib.

AMEA-nın akad. Z.M.Bünyadov adına Şərqşünaslıq İnstitutunun kollektivi, AMEA-nın vitse-prezidenti vəzifəsini icra edən, Şərqşünaslıq İnstitutunun baş direktoru akademik Gövhər Baxşəliyeva başda olmaqla, noyabrın 1-də II Fəxri xiyabanda olub. Şərqşünas alimlər ölkəmizin ərazi bütövlüyünün təmin edilməsi uğrunda canlarından keçərək müqəddəs şəhidlik zirvəsinə ucalan qəhrəmanlarımızın məzarını ziyarət ediblər. Onlar Vətən uğrunda şəhid olan igid oğulların əziz xatirəsini dərin ehtiramla anaraq, məzarları üzərinə gül dəstələri düzüblər.