A.Məmmədova məruzəsində bildirib ki, mədəniyyət mənbələri dedikdə hər bir cəmiyyətin formalaşmasına və inkişafına təsir edən əsas faktorlar nəzərə alınır. Bu mənbələrə mədəniyyətin yaradılmasına və inkişafına gətirib çıxaran müxtəlif faktorlar aiddir. Şərq mədəniyyəti bütün tarix boyu ən vacib dünya sivilizasiyalarının beşiyi olub. Bu mədəniyyət Hindistanın, Çinin, Yaxın Şərqin, Mərkəzi Asiyanın və başqa Şərq ölkələrinin ümumi irsinə əsaslanır.
Məruzəçi qeyd edib ki, Şərq mədəniyyətində ənənəvi incəsənət, xüsusən müsiqi, rəqs, rəngkarlıq, heykəltaraşlıq, toxuculuq yüksək inkişaf edib. Bunlar adətən dini və mədəni dəyərləri, təbii mövzuları və simvolizmi əks etdirir.