Deutschland online bookmaker http://artbetting.de/bet365/ 100% Bonus.
23 oktyabr 2023-cü il saat 11.00-da Azərbaycan Respublikasının Prezidenti yanında Ali Attestasiya Komissiyasının Azərbaycan Milli Elmlər Akademiyası akademik Z.M.Bünyadov adına Şərqşünaslıq İnstitutunun nəzdində fəaliyyət göstərən FD 1.18 Dissertasiya şurasının iclasında 5718.01 – “Dünya ədəbiyyatı (ərəb ədəbiyyatı)” ixtisasında filologiya üzrə fəlsəfə doktoru elmi dərəcəsini almaq üçün təqdim edilmiş dissertasiya işinin müdafiəsi keçiriləcək.
CBC (rus dilində) və Mir (rus dilində) telekanallarının Çinin “Kəmər-Yol” təşəbbüsünün 10 illiyinə həsr olunmuşproqramlarında canlı yayında Asiya-Sakit okean regionu ölkələri şöbəsinin aparıcı elmi işçisi və Konfutsi institutunun direktoru Rafiq Abbasov mövzu ilə bağlı müsahibələr verib.
AMEA-nın akademik Ziya Bünyadov adına Şərqşünaslıq İnstitutunun Şərq-Qərb şöbəsinin böyük elmi işçisi, filologiya üzrə fəlsəfə doktoru Ülkər Səmədova 17-20 oktyabr tarixlərində Qazaxıstanın “Əhməd Yəsəvi” Universitetinin təşkilatçılığı ilə keçirilən və Rusiya, Türkiyə, Özbəkistan, İran, Qırğızıstandan bir çox türkoloqun da qatıldığı X Beynəlxalq Türkoloji Konfransda iştirak edib. Ülkər Səmədova onlayn qatıldığı konfransda “Son illərdə Azərbaycanda Türkiyə türkcəsi ilə bağlı aparılan tədqiqatlar” adlı məruzə ilə çıxış edib.
AMEA-nın akademik Ziya Bünyadov adına Şərqşünaslıq İnstitutunun Din və ictimai fikir şöbəsinin aparıcı elmi işçisi, fəlsəfə üzrə fəlsəfə doktoru, dosent Leyla Məlikova oktyabrın 13-19-da Türkiyənin İstanbul şəhərində keçirilən "Mərkəzi Asiya müsəlmanları XXI əsrdə: çağırışlar, imkanlar, perspektivlər" mövzusunda Beynəlxalq elmi forumda iştirak edib.