Orientalstudies.az

AMEA-nın akademik Ziya Bünyadov adına Şərqşünaslıq İnstitutunda “Fəzlullah Nəimi və hürufilik hərəkatı” adlı kitab çapdan çıxıb.

Kitabının  müəllifləri institutun Şərq ölkələrinin tarixşünaslığı şöbəsinin müdiri, tarix elmləri doktoru, professor Məryəm Seyidbəyli, həmin şöbənin elmi işçiləri Elxan Quliyev və Röya Mirzəbəyovadır.

AMEA-nın akademik Ziya Bünyadov adına Şərqşünaslıq İnstitutunun Türkiyə tarixi və iqtisadiyyatı şöbəsinin müdiri tarix üzrə fəlsəfə doktoru, dosent Namiq Məmmədov iyulun 2-də Qazaxıstan Fəlsəfə, Siyasi Elmlər və Din Araşdırmaları İnstitutu  və Qazaxıstan Ablay Xan adına Beynəlxalq Münasibətlər və Dünya Dilləri Universitetinin təşkil etdiyi “Qloballaşan kommunikasiya çərçivəsində Mərkəzi Asiya: sərhəddən kənar dəyərlər” mövzusunda beynəlxalq elmi-praktik konfransda onlayn iştirak edib.

İyulun 2-də AMEA-nın akademik Ziya Bünyadov adına Şərqşünaslıq İnstitutunda görkəmli ərəbşünas, uzun illər institutun Ərəb filologiyası şöbəsinə rəhbərlik etmiş filologiya elmləri doktoru, professor Vilayət Cəfərovun 85 illik yubileyi və alimə həsr olunmuş “Professor Vilayət Cəfərov. Ömür yolu, elmi irsi, yaddaşlarda qalan izi” adlı kitabın təqdimatı olub.

AMEA-nın akademik Ziya Bünyadov adına Şərqşünaslıq İnstitutunun “İran filologiyası” şöbəsinin aparıcı elmi işçisi, filologiya üzrə fəlsəfə doktoru, dosent Rəna Rzayevanın “Munisnamə” təsəvvüfə dair mənbə kimi” adlı kitabı çapdan çıxıb.