Orientalstudies.az

Yanvarın 23-də AMEA-nın akademik Z.M.Bünyadov adına Şərqşünaslıq İnstitutunda ildə qış imtahan sessiyası yekunlaşıb. Bu gün Ədəbiyyatşünaslıq (Yaxın və Orta Şərq) ixtisaslaşması üzrə I kurs magistrantlar "Müqayisəli ədəbiyyatşünaslıq" fənni üzrə imtahan veriblər. İnstitutun baş direktoru akademik G.B.Baxşəliyevanın rəhbərliyi və Təhsil şöbəsinin müdiri, f.ü.f.d., dosent L.M. Bayramovanın təşkilatçılığı ilə imtahanda fənn müəllimi f.ü.f.d., dosent R.A.Cümşüdlü, nəzarətçi elmi işçi Ə.H.İsmayılova və tələbələr iştirak ediblər.

AMEA-nın akademik Z.Bünyadov adına Şərqşünaslıq İnstitutunun Türkiyə tarixi və iqtisadiyyatı şöbəsinin müdiri vəzifəsini icra edən, tarix üzrə fəlsəfə doktoru Namiq Məmmədovun "Azərbaycanda 20 Yanvar faciəsi" adlı məqaləsi Pakistanda nəşr olunan "The Daily Spokesman" qəzetində və bu ölkənin "Sabah news" saytında" dərc olunub.

Qədim dövlətçilik ənənələri, yeraltı və yerüstü sərvətləri, milli-mənəvi dəyərləri, ictimai-siyasi və mədəni xadimləri ilə dünyada məşhur olan Azərbaycan dövləti və xalqı qədimdən günümüzə kimi həmişə azadlığı və müstəqilliyi uğrunda mübarizə aparmışdır. Lakin XX əsrin əvvəllərində azərbaycanlıların ermənilər və onları dəstəkləyən regional və beynəlxalq güclərin dəstəyi ilə Azərbaycan xalqına qarşı irqi, dini ayrıseçkilik siyasəti etmiş, torpaqlarımız işğal edilmiş, Azərbaycan xalqı tarixi Azərbaycan torpaqlarından köçürülmüş, türk-müsəlman xalqlarına qarşı etnik təmizləmə və soyqırımı siyasəti həyata keçirilmişdir. Belə qanlı faciələrdən biri də - Azərbaycan xalqının tarixinə düşmüş “20 Yanvar” faciəsidir.

AMEA-nın akademik Z.Bünyadov adına Şərqşünaslıq İnstitutunun aparıcı elmi işçisi, tarix üzrə fəlsəfə doktoru Sübhan Talıblı Özbəkistan və Türkiyə saytlarında 1990-cı ilin 20 Yanvar faciəsindən yazıb. Şərqşünas alimin məqalələri Özbəkistanın human.uz saytında və  Türkiyədən yayımlanan kriminsesigazetesi.com saytında dərc edilib.