Orientalstudies.az

AMEA akad. Z.M.Bünyadov adına Şərqşünaslıq İnstitutu mayın 16-da institutun ilk direktoru, görkəmli şərqşünas alim, akademik Əbdülkərim Əlizadənin anadan olmasının 110 illiyinə həsr olunmuş yubiley tədbiri keçirdi.

AMEA-nın əsas binasında keçirilən tədbiri giriş sözü ilə açan Milli Məclisin deputatı, Şərqşünaslıq İnstitutunun direktoru, AMEA-nın müxbir üzvü Gövhər Baxşəliyeva akademik Əbdülkərim Əlizadənin İnstitutun ilk direktoru olduğunu qeyd edərək, görkəmli alimin həm də Azərbaycan mətnşünaslığının banisi hesab olunduğunu söylədi. Məhz Əbdülkərim Əlizadənin rəhbərliyi altında ilk dəfə mətnşünaslıq sahəsində iş başlanılmışdır.

Səudiyyə Ərəbistanının Kral Əbdüləziz adına fondunun baş direktoru doktor Fəhd Əbdüləziz əs-Səmmarinin rəhbərlik etdiyi nümayəndə heyəti mayın 11-də Azərbaycan Milli Elmlər Akademiyasının akademik Z.M.Bünyadov adına Şərqşünaslıq İnstitutunda olub.

Fondun nümayəndə heyəti Şərqşünaslıq İnstitutunun direktoru, millət vəkili, AMEA-nın müxbir üzvü, f.ü.e.d., professor Gövhər Baxşəliyeva ilə görüşüb.

Mayın 6-da AMEA akademik Ziya Bünyadov adına Şərqşünaslıq İnstitutunda ümummilli lider Heydər Əliyevin anadan olmasının 93 illiyi qeyd edildi. İnstitutun direktoru, AMEA-nən müxbir üzvü, millət vəkili Gövhər Baxşəliyeva tədbirdə çıxış edərək, ümummilli liderin Azərbaycan xalqının müstəqilliyi, dövlətçiliyimizin inkişafı yolunda göstərdiyi xidmətlərdən söz açdı: «Azərbaycanın müstəqilliyinin bərpası, ölkəmizdə siyasi sabitliyin yaranması, Azərbaycan ideologiyasının yaranması və inkişafı, respublikamızın dünya birliyinə inteqrasiyası, nail olduğu yüksək iqtisadi inkişafı ümummilli lider Heydər Əliyevin adı ilə bağlıdır».

Aprelin 20-də AMEA akademik Z.M.Bünyadov adına Şərqşünaslıq İnstitutunda Yeni Azərbaycan Partiyasının özəyinin təsis iclası keçirildi. İclasda YAP Yasamal rayon təşkilatının sədri Tağı Əhmədov, sədr müavini Qərib Məmmədov, YAP-ın AMEA üzrə koordinatoru Xədicə İsgəndərli iştirak edirdilər.