Alim konfransda “Post-müasirlik və media siyasəti kontekstində ideoloji diskurs” adlı məruzə ilə çıxış edib.
Roida Rzayevanın məruzəsi beynəlxalq konfransın ən yaxşı məruzəsi seçilib və sertifikata layiq görülüb.
Roida Rzayeva ideologiyanın çox ölçülü sosio-mədəni hadisə olduğundan və müasir dövrdə cəmiyyətdə bu fenomenin rolunun, yerinin və əhəmiyyətinin yenidən qiymətləndirilməsinə ehtiyac olduğundan bəhs edib. Məruzədə kütləvi media və qloballaşma dövrünün ideologiyaya ənənəvi baxışları dəyişdirdiyi qeyd olunub, çünkü onlar artıq ideoloji forma, üsul və qaydalarda baş verən dəyişiklikləri izah etmək iqtidarında deyil. Hər zaman ideologiyaya ehtiyac olduğu və həyatın ideologiyasız mümkün olmadığı üçün onun bu və ya digər cəmiyyətin reallıqları nəzərə alınaraq formalaşdırılmasının zəruri olduğu vurğulanıb.
Beynəlxalq konfransın materialları nəşr olunub.