Tədbir 20 Yanvar şəhidlərinin əziz xatirəsinin bir dəqiqəlik sükutla anılması ilə başlayıb. Daha sonra seminara qonaq qismində qatılan Sübhan Talıblı mövzu ilə bağlı şagirdlər qarşısında geniş və maraqlı çıxış edib. O bildirib ki,həmin dövrdə Ittifaq böhran keçirirdi, diqqəti başqa yerə yönəltmək üçün etnik münaqişələri alovlandırırdı. Qərbi azərbaycanlıların deportasiyası, Qarabağda baş verənlər sadəcə fikri yayındırmaq cəhdləri idi və azərbaycanlılar məsələni çox yaxşı anlayırdılar.Əslində Bakıda Moskva ilə Azərbaycan xalqının qarşıdurması yaşanırdı.
Daha sonra Azərbaycan Dillər Universitetinin tələbəsi, gənc könüllü Səma Vahabzadə,11-c sinif şagirfi Alıyev Kənan,11-a sinif şagirdi Əliyeva Nəzrin mövzu ilə çıxış ediblər. Seminar şagirdlərin tarixçi-alimlə maraqlı diskussiya və müzakirələri fonunda yekunlaşıb.