Özbəkistanlı alim, tarix elmləri namizədi Vera Muxamedjanova Azərbaycan və özbək xalqlarının tarixində Nizami və Nəvai şəxsiyyətindən bəhs edir. Filologiya üzrə fəlsəfə doktoru Lalə Bayramovanın məqaləsində dastan janrının “Xəmsə”də inikası, filologiya üzrə fəlsəfə doktoru Aygün Əlizadənin yazısında isə Nizami və irfan mövzusuna toxunulur. Bu bölümdə həmçinin Şərqşünaslıq İnstitutunda şairin yubileyi ilə əlaqədar keçirilən konfrans və seminarlar barədə məlumatlar dərc olunub.
Növbəti rubrikada Mustafa Kamal Atatürkün 140 illiyi ilə əlaqədar məqalələr çap olunub. Jutnalda həmçinin Bakı-Tbilisi-Qars dəmir yol xəttinə, Yunus İmrə yaradıcılığına, Abay Kunanbayevə, Suriyadakı siyasi böhrana, Şərqşünaslıq İnstitutunun tədqiqatlarına həsr olunmuş məqalələr, nəşr olunan yeni kitablar, institutda keçirilən tədbirlər, əməkdaşların iştirak etdikləri beynəlxalq konfranslar barədə məlumatlar da yer alır.