180 saatı əhatə edən kurs ərzində xüsusi şəkildə qeyri-ərəblərə ərəb dilinin tədrisi sahəsində mövcud olan yeni metodikalar və onların tətbiqi ilə bağlı mühazirələrə üstünlük verilib.Ərəbdilinin təlim və tədrisinin inkişaf etdirilməsi sahəsində ərəb dili və ədəbiyyatı, tarixi və mədəniyyəti, infoqrafika ilə bağlı mühazirələr xüsusi maraq doğurub. Müasir təlim texnologiyalarının verdiyi imkanlar daxilində ərəb dili tədrisinin bu gün üçün zəruri olan aktual problemlərinin ortadan götürülməsi üçün müxtəlif ölkələrdən olan nümayəndə heyətləri qeyri-ərəblərlə ərəb dilinin tədrisi ilə bağlı öz təcrübələrini paylaşıblar.
Qahirə Universitetinin prorektoru doktor Məhəmməd Sami Abdus Sadiq şəxsən iştirakçılarla görüşüb. Kurs başa çatdıqdan sonra iştirakçıların hər birinə sertifikatlar təqdim edilib.
İstirahət günlərində Qahirənin tarixi yerlərinə ekskursiyalar təşkil edilib, habelə Şarm əş-Şeyx və İsgəndəriyyə şəhərlərinə də səfərlər təşkil olunub. Bu şəhərlərin görməli yerləri, tarixi abidələri, muzeyləri, o cümlədən məşhur İsgəndəriyyə kitabxanası da ziyarət edilib.
Şərqşünaslıq İnstitutunun direktoru akademik Gövhər xanım Baxşəliyevanın institutu əməkdaşları Lalə Bayramova və Leyla Məlikova vasitəsilə göndərdiyi institutun elmi fəaliyyətini əks etdirən bukleti Qahirə Universitetinin rektoru doktor Məhəmməd Osman əl-Xuşta, prorektoru doktor Məhəmməd Sami Abdus Sadiqə, Əl-Əzhər universitetinin rektoru doktor Əhməd Əsəd ət-Təyyana, Aynu-Şəms Univeritetinin rektoru doktor Mahmud Şauqiyə çatdırılıb, davamlı elmi əməkdaşlıq təklif olunub.