Deutschland online bookmaker http://artbetting.de/bet365/ 100% Bonus.

ŞƏRQŞÜNAS ALİM TÜRK OCAQLAR BİRLİYİNİN TƏDBİRİNDƏ MƏRUZƏ EDİB

12 Aprel 2019

Martın 25-də Türkiyənin Bursa şəhərində Türk Ocaqlar Birliyinin yaradılmasının 107-ci ildönümünə həsr olunmuş tədbir keçirilib. Tədbir Türk Ocaqlar Birliyinin Bursa şöbəsi tərəfindən təşkil edilib. Tədbirdə AMEA akademik Ziya Bünyadov adına Şərqşünaslıq İnstitutunun Türk filologiyası şöbəsinin aparıcı elmi işçisi, filologiya üzrə elmlər doktoru, professor Elman Quliyev də iştirak edib. Toplantıda professor Elman Quliyev çıxış edərək Türk Ocaqlar Birliyinin yaradılmasının 101-ci ili münasibətilə toplantı iştirakçılarını təbrik edib və təşkilatın yaranması, yarandığı dövrdən bu günə qədər türk mədəniyyətinə xidmətləri və faydaları barədə məruzə edib.

 

Məruzədə qeyd edilir ki, 1912-ci ildə yaradılmış Türk Ocaqlar Birliyinin yaradılmasında XX əsrin əvvəllərində Türk dünyası ziyalılarının böyük nümayəndələri olan Yusif Akçura, İsmayıl Qaspralı, Əli bəy Hüseynzadə, Ziya Göyalp, Əhməd Ağaoğlu və başqa şəxsiyyətlərin xidmətləri olub. Əsas olaraq Yusif Akçuranın ideyaları daxilində fəaliyyətini genişləndirən bu qurum çoxsaylı türk ziyalılarının həyatında böyük rol oynayıb, türkçülük, turançılıq ideyalarının inkişafı və yayılmasına böyük təsir göstərib. Hazırda Türkiyədə fəaliyyət göstərən Türk Ocaqlar Birliyinin 80-ə yaxın şöbəsi təkcə Türkiyədə deyil, Türk dünyasında türkçülüyün təbliğinə böyük faydalar verməkdədir. Azərbaycan türkoloqları da Türk Ocaqlar Birlikləri  ilə yaxından əlaqə saxlayır və bu birliklərin tədbirlərində iştirak edirlər. E.Quliyev ümidvar olduğunu bildirib ki, Türk Ocaqlar Birliyi hər zaman olduğu kimi bundan sonra da türk dünyasına xidmətləri ilə faydalar verəcəkdir.

 Tədbirdə Türk Ocaqlar Birliyi, Uludağ Universiteti və Türkiyənin digər universitetlərinin professor-müəllim heyəti iştirak edib.

 

Download Template Joomla 3.0 free theme.