Tədbiri giriş sözü ilə açan Şərqşünaslıq İnstitutunun Cənubi Azərbaycan şöbəsinin müdiri, tarix üzrə fəlsəfə doktoru Səməd Bayramzadə Dilqəm Əhmədin topladığı materialların əhəmiyyətindən danışaraq, bunların gələcək nəsillərə çatdırılmasının vacibliyini vurğuladı.
Şərqşünaslıq İnstitutunun gənc Alim və Mütəxəssislər Şurasının sədri Pərviz Ağayev Azərbaycan Respublikası Prezidenti cənab İlham Əliyevin Azərbaycan Xalq Cümhuriyyətinin 100 illik yubileyi haqqında 16 may 2017-ci il tarixli Sərəncamını xatırladaraq, bu görüşün də Şərqşünaslıq İnstitutunun gənc alimlərinin Azərbaycan Xalq Cümhuriyyətinin tarixi ilə bağlı yeni materilallarla tanış olması baxımından əhəmiyyətini qeyd etdi.
Dilqəm Əhməd tədbirdə çıxış edərək həm təqdim etdiyi fotomateriallar, həm də nümayiş etdirilən slayd vasitəsilə Azərbaycan Xalq Cümhuriyyətinin tarixindən danışdı və təqdim edilən fotomateriallar və sənədlər haqqında ətraflı məlumat verdi.
Tədbirin sonunda Dilqəm Əhməd gənc şərqşünasların suallarını cavablandırdı.
