Orta məktəblərin 5-ci sinifləri üçün yeni formatda hazırlanan dərslik yeni standartlara uyğun olaraq dinləmə, yazma, oxuma və tamaşa etmək hissələrindən ibarətdir. İlk bir neçə dərsləri uşaqlar yalnız dinləyərək öyrənirlər. Dərslikdə eyni zamanda ərəb dilində animasiya filmləri də yerləşdirilmişdir. Dərslik Azərbaycan Respublikası Təhsil Nazirliyi tərəfindən 1 avqust 2024-cü ildə qəbul edilərək təsdiqlənib. Sadədən mürəkkəbə doğru prinsipinə uyğun olaraq tərtib edilən dərslikdə eyni zamanda ilkin olaraq ərəb əlifbası öyrədilir. Sona doğru şagirdlərin özünü ifadə edə biləcək danışıq üçün kiçik mətnlər hazırlanıb. Azərbaycan Respublikasının ərazisində ikinci xarici dil olaraq tədris olunan məktəblər üçün nəzərdə tutulan dərslik tamamilə ərəb dilində yazılıb.
