Akademik Gövhər Baxşəliyevanın sədrliyi ilə keçən iclasda Şahanə Şahbazova “Misir şairi Əhməd Şövqinin sürgün dövrü yaradıcılığında vətən həsrəti” mövzusunda dissertasiyanı uğurla müdafiə edib.
Dissertasiyanın əsas məqsədi Əhməd Şövqinin sürgün dövrü yaradıcılığının öyrənilməsidir. Dissertasiyada Əhməd Şövqinin mühiti, həyatı və yaradıcılıq yolu nəzərdən keçirilir, onun poetik irsinin mövzu və ideya xüsusiyyətləri araşdırılır, sürgün dövrü yaradıcılığında vətən həsrəti mövzusunda təhlillər aparılır.
