Filologiya elmləri doktoru Mehdi Kazımovun sədrliyi ilə keçən iclasda Sürəyya Əlizadə“Ərəb-ispan nəsrinin yaranması və inkişafı” mövzusunda dissertasiyanı uğurla müdafiə edib.
Dissertasiyanın əsas məqsədi İspaniyada yaranan ərəb-ispan nəsrinin təşəkkül və inkişaf mərhələlərini, yeniliklərini, yarandığı mühiti və bu irsin mövzu dairəsini və bədii xüsusiyyətlərini təhlil və tədqiq etməkdən ibarətdir. Dissertasiyada Əndəlusda ədəbi-bədii nəsrin yaranması və inkişafı nəzərdən keçirilir, ədəb əsərləri və antologiyaların Əndəlus nəsrinin bir qolu kimi araşdırılır.
