Konfransda Sübhan Talıblı “1918-ci il Neftçalada soyqırımı”, Həsən Səfəri “1918-ci ildə Urmiyada azərbaycanlıların soyqırımı” mövzularında məruzə ediblər. Natiqlər qeyd ediblər ki, 1918-ci ilin 30 mart və 3 aprel tarixləri arasında Bakı şəhərində və Bakı quberniyasının müxtəlif bölgələrində, eləcə də Şamaxı, Quba, Xaçmaz, Lənkəran, Hacıqabul, Salyan, Zəngəzur, Qarabağ, Naxçıvan və digər ərazilərdə Bakı Soveti və daşnak erməni silahlı dəstələri azərbaycanlıları kütləvi şəkildə vəhşicəsinə qətlə yetiriblər. Şərqşünas alimlər Neftçalada və Urmiyada azərbaycanlılara qarşı törədilən soyqırım barədə konkret faktlara və sənədlərə əsaslanaraq ətraflı məlumat veriblər.