Mayın 4-də Şərqşünaslıq İnstitutunda Azərbaycan, İraq, Qırğızıstan, Qazaxıstan və Belarusdan 81 alimin iştirak etdiyi konfransın bölmə iclasları keçirilib. İclaslarda “Azərbaycan – Misir əməkdaşlığının banisi”, “Heydər Əliyev və Türk dünyası”, “Heydər Əliyev və türk ədəbiyyatı problemləri”, “Azərbaycan və İƏT əlaqələrinin formalaşmasında Heydər Əliyevin rolu”, “Ulu öndər və Cavad Heyət”, “Müstəqillik dövründə Azərbaycanın ərəb ölkələri ilə diplomatik münasibətləri”, “Heydər Əliyev tərəfindən təməli qoyulmuş müasir Azərbaycanın xarici siyasət kursunda Pakistanla əlaqələr”, “Heydər Əliyevin Şərq-Qərb münasibətləri prizmasından dinlərarası dialoqun inkişafının gerçəkləşməsində tarixi rolu”, “Heydər Əliyevin Azərbaycan və Qazaxıstan respublikaları arasındakı münasibətlərdə rolu”, “Heydər Əliyev dövründə Cənubi Koreya-Azərbaycan əməkdaşlığı” və digər mövzularda maraqlı məruzələr səsləndirilib. İclaslarda məruzələr ətrafında müzakirələr aparılıb.
